(vovworld) - ຕອນຄໍ່າວັນທີ 30/04, ຢູ່ເທດສະບານເກືອລໍ່, ແຂວງເງັ້ອານ ໄດ້ຈັດພິທີໄຂງານບຸນທ່ອງທ່ຽວເກືອລໍ່, ເປີດສາກໃຫ້ລະດູທ່ອງທ່ຽວປີ 2014. ເຂົ້າຮ່ວມ ແລະ ລັ່ນກອງໄຂງານບຸນມີທ່ານນາງ ຫງວຽນທິກິມເງີນ, ກຳມະການກົມການເມືອງ, ຮອງປະທານສະພາແຫ່ງຊາດຫວຽດນາມ; ການນຳບັນດາກະຊວງ, ຄະນະ, ຂະແໜງການຂັ້ນສູນກາງ, ແຂວງເງັ້ອານ ແລະ ແຂກທ່ອງທ່ຽວທັງຢູ່ພາຍໃນ ແລະ ຕ່າງປະເທດ ເປັນຈຳນວນຫຼວງຫຼາຍ.
ເກືອລໍ່ແມ່ນ ເຂດຕົວເມືອງທຳອິດໃນທົ່ວປະເທດ ເຊິ່ງທ່ານນາຍົກລັດຖະມົນຕີ ຕົກລົງທົດລອງ ແລະ ກໍ່ສ້າງເປັນເຂດຕົວເມືອງທ່ອງທ່ຽວທະເລ. ໃນປີທ່ອງທ່ຽວ 2014, ຢູ່ເທດສະບານເກືອລໍ່ ໄດ້ຈັດການເຄື່ອນໄຫວວັດທະນະທຳ, ສິລະປະ, ກິລາທີ່ຟົດຟື້ນຫຼາຍຢ່າງ, ເພື່ອດຶງດູດແຂກທ່ອງທ່ຽວມາຢ້ຽມຢາມ.