(vovworld) – ວັນ​ທີ 22/12, ທ່ານ​ນາ​ຍົກ​ລັດ​ຖະ​ມົນ​ຕີ ຈີນ ຫຼ​ີ​ເຄີ​ຊຽນ ມີ​ການ​ເຈ​ລະ​ຈາ​ກັບ​ຄ​ູ່​ຕຳ​ແໜ່ງ ໄທ ປ​ຣາ​ຢຸດ ຈັນ​ໂອ​ຈາ, ທີ່ພວມ​ຢູ່​ຢ້ຽມ​ຢາມ ປັກ​ກິ່ງ, ເຫັນ​ດີ​ເປັນ​ເອ​ກະ​ສັນ​ຊຸກ​ຍູ້​ການ​ພົວ​ພັນ​ຮ່ວມ​ມື 2 ຝ່າຍ​ກ່​ວາ​ອີກ.

        ທີ່​ການ​ເຈ​ລະ​ຈາ​ຢູ່​ປັກ​ກິ່ງ, ທ່ານ​ນາ​ຍົກ​ລັດ​ຖະ​ມົນ​ຕີ ຫຼີ​ເຄີ​ຊຽນ ໃຫ້​ຮ​ູ້​ວ່າ: ປີ 2015 ແມ່ນ​ຂີດ​ໝາຍ 40 ປີ​ແຫ່ງວັນ​ສ້າງ​ຕັ້ງ​ການ​ພົວ​ພັນ​ທາງ​ການ​ທູດ ຈີນ - ໄທ, ປັກ​ກິ່ງ​ປາດ​ຖະ​ໜາ​​ຢາ​ກຮັດ​ແໜ້ນ​ການ​ພົວ​ພັນ​ຮ່ວມ​ມື, ມິ​ດ​ຕະ​ພາບ​ກ່​ວາ​ອີກ, ເພື່ອ​ແນ​ໃສ່​ເດີນ​ຕາມ​ຈຸດ​​ປະ​ສົງທັງ 2 ປະ​ເທດ​ຕ່າງ​ມີ​ຜົນ​ປະ​ໂຫຍດ, ປັບ​ປຸງ​ການ​ພົວ​ພັນ​ຄູ່​ຮ່ວມ​ມື​ຍຸດ​ທະ​ສາ​ດ​ຮອບ​ດ້ານ 2 ຝ່າຍ, ພ້ອມ​ທັງ​ເນັ້ນ​ໜັກ​ຈຸດ​ໝາຍ​​ຍົກວົງ​ເງິນ​ການ​ຄ້າ 2 ຝ່າຍ​ຂຶ້ນເຖິງ 100 ຕື້ USD ໃນ​ປີ 2015.

        ສ່ວນ​ທ່ານ​ນາ​ຍົກ​ລັດ​ຖະ​ມົນ​ຕີ ​ໄທ ປ​ຣາ​ຢຸດ ຈັນ​ໂອ​ຈາ ໃຫ້​ຄຳ​ໝັ້ນ​ສັນ​ຍາຈະ​ຊຸກ​ຍູ້​ການ​ພົວ​ພັນ ໄທ - ຈີນ, ຊຸກ​ຍູ້​ການ​ຮ່ວມ​ມື​ການ​ຄ້າ, ການ​ລົງ​ທຶນ, ການ​ເງິນ ກໍ່​ຄື​​ງານ​ພົບ​ປະແລກ​ປ່ຽນ​ປະ​ຊາ​ຊົນ​ເພື່ອ​ຜົນ​ປະ​ໂຫຍດ​ຂອງ 2 ປະ​ເທດ, ພ້ອມ​ທັງ​ຊົມ​ເຊີຍ​ເລື່ອງ​ບັນ​ດາ​ນັກ​ລົງ​ທຶນ ຈີນ ​ມາກໍ່​ສ້າງ​ບັນ​ດາ​ໂຮງ​ງານ ແລະ ລົງ​ທຶນ​ຢູ່​ປະ​ເທດ ອາ​ຊີ​ຕາ​ເວັນ​ອອກ​ສ່ຽງ​ໃຕ້​ນີ້.