90% ຈຳນວນພົນລະເມືອງນະຄອນໂຮ່ຈີມິນຊົມໃຊ້ສິນຄ້າຫວຽດນາມ
ຊາວຫວຽດນາມບຸລິມາສິດຊົມນຄ້າຫວຽດນາມ
(ພາບອິນເຕີແນດ)
(vovworld) ຕອນເຊົ້າວັນທີ 16/10, ຄະນະຊີ້ນຳບັ້ນຂົນຂວາຍ “ຊາວຫວຽດນາມບຸລິມາສິດຊົມໃຊ້ສິນຄ້າຫວຽດນາມ“ ນະຄອນໂຮ່ຈີມິນ ໄດ້ ຈັດປະຊຸມສະຫຼຸບບັ້ນຂົນຂວາຍດັ່ງກ່າວ. ຕາມຕົວເລກສະຖິຕິ, ປະຈຸບັນ, ຢູ່ນະຄອນໂຮ່ຈີມິນ ມີກວ່າ 95% ຈຳນວນສິນຄ້າໃນຮ້ານຊັບພະສິນຄ້າແມ່ນສິນຄ້າຂອງຫວຽດນາມ ແລະ ປະຊາຊົນນະຄອນກວມກວ່າ 90% ບຸລິມາສິດຊົມໃຊ້ສິນຄ້າຫວຽດນາມ. ນັ້ນແມ່ນໝາກຜົນບັນລຸໄດ້ໃນ 5 ປີທີ່ນະຄອນປະຕິບັດບັ້ນຂົນຂວາຍ “ຊາວຫວຽດນາມບຸລິມາສິດຊົມໃຊ້ສິນຄ້າ ຫວຽດນາມ“. ກ່າວຄວາມເຫັນທີ່ກອງປະຊຸມ, ທ່ານ ຫງວຽນທ້ຽນເຍິນ, ກຳມະການກົມການເມືອງ, ປະທານຄະນະກຳມະການສູນກາງແນວໂຮມປະເທດຊາດຫວຽດນາມ, ຕີລາຄສູງເລື່ອງນະຄອນເປັນເຈົ້າການ, ມີຫົວຄິດປະດິດສ້າງໃນວິທີເຮັດ, ສ້າງກຳລັງແຮງຕື່ມອີກໃຫ້ແກ່ຕະຫຼາດພາຍໃນປະເທດ:
“ຄາດໝາຍແຕ່ປີ 2014 - 2020 ນັ້ນແມ່ນ, ທາງນະຄອນຈະຕິດພັນກັບລາຍການ “ເອກອ້າງທະນົງໃຈຕໍ່ສິນຄ້າຫວຽດນາມ. ດັ່ງນັ້ນນະຄອນໂຮ່ຈີມິນຕ້ອງເປັນແບບຢ່າງ ເຮັດແນວໃດເພື່ອໃຫ້ປະຊາຊົນ 90% ຮູ້ໄດ້ບ່ອນຂາຍສິນຄ້າທີ່ມີຄຸນນະພາບ. ສາມາດສ້າງເວັບໄຊກ່ຽວກັບສິນຄ້າໃຊ້ສອຍທີ່ຈຳເປັນໃນຄອບຄົວ, ຮ່ວມສຳພັນກັບລະບົບສະໜອງຂອງຮ້ານຊັບພະສິນຄ້າ. ຢູ່ເຂດຊົນນະບົດ, ສິນຄ້າຂອງຫວຽດນາມຕ້ອງກວມເອົາ 70%.“