ທ່ານ Patrick Turner ຫົວໜ້າຫ້ອງການຕາງໜ້າຂອງ NATO ຢູ່ ນະຄອນຫຼວງ Kiev (ພາບ: Getty)

ວັນທີ 6 ພະຈິກ, ທ່ານ Patrick Turner ຫົວໜ້າຫ້ອງການຕາງໜ້າຂອງ NATO ຢູ່ ນະຄອນຫຼວງ Kiev ໄດ້ໄປຮອດ Kiev ເພື່ອເລີ່ມຕົ້ນວຽກງານໃໝ່ ແລະ ພົບປະກັບທ່ານ ປະທານາທິບໍດີ ຢູແກຼນ Zelensky ແລະ ທ່ານ ລັດຖະມົນຕີກະຊວງປ້ອງກັນປະເທດ ຢູແກຼນ Rustem Umerov. ທ່ານ Turner ເຄີຍດຳລົງຕຳແໜ່ງເປັນຜູ້ຊ່ວຍວຽກກ່ຽວກັບການສູ້ຮົບ, ນະໂຍບາຍປ້ອງກັນປະເທດ ແລະ ການວາງແຜນກຳນົດນະໂຍບາຍ  ຂອງທ່ານອະດີດເລຂາທິການໃຫຍ່ NATO Jens Stoltenberg. ການຕັດສິນໃຈເປີດຫ້ອງການຕາງໜ້າຂອງ NATO ໄດ້ຍົກອອກມາໃນລະດູແລ້ງປີນີ້, ພາຍຫຼັງກອງປະຊຸມສະພາ NATO - ຢູແກຼນ ຢູ່ລະດັບສູງສຸດໃນຂອບເຂດກອງປະຊຸມສຸດຍອດຂອງສຳພັນທະມິດການທະຫານນີ້ ຢູ່ນະຄອນຫຼວງ ວໍຊິງຕັນ ຂອງ ອາເມລິກາ. ຖະແຫຼງການຂອງ NATO ຊີ້ແຈ້ງວ່າ: “ຢູ່ຖານະຕຳແໜ່ງຂອງຕົນ, ທ່ານ Turner ຈະເປັນຜູ້ປະສານງານ ການຮ່ວມມືລະຫວ່າງ NATO ກັບອຳນາດການປົກຄອງ Kiev. ທ່ານກໍ່ຈະປະສານບັນດາຄວາມມານະພະຍາຍາມຂອງ NATO ແລະ ສະໜອງ ບັນດາການຕີລາຄາ ແລະ ຂໍ້ສະເໜີແນະກ່ຽວກັບສະພາບການຢູ່ ຢູແກຼນໃຫ້ສຳພັນທະມິດ”.