(vovworld) - ບັນດາປະເທດອາຣັບເອມມີເລດຢູໃນເຕບ (UAE) ໄດ້ຮຽກຮ້ອງປະຊາຄົນສາກົນປະຕິບັດບັນດາບາດກ້າວເພື່ອມຸ່ງໄປເຖິງເຂດຕາເວັນອອກກາງ ປອດອາວຸດນິວເຄຼຍ ແລະ ອາວຸດລ້າງຜານ, ເພື່ອແນໃສ່ນຳມາເຊິ່ງຄວາມໝັ້ນຄົງແລະ ປອດໄພໃນທົ່ວເຂດ. ໃນບົດກ່າວປາໄສຕໍ່ໜ້າວາລະປະຊຸມຄັ້ງທຳອິດຂອງຄະນະກຳມະການຫຼຸດຜ່ອນກຳລັງອາວຸດ ແລະ ຄວາມສະຫງົບສາກົນ ຢູ່ສຳນັກງານສະຫະປະຊາຊາດ, ທີ່ນິວຢອກ, ທ່ານເອກອັກຄະລັດຖະທູດ Lana Nusseibeh, ຜູ້ຕາງໜ້າປະຈຳການຂອງ UAE ຢູ່ສະຫະປະຊາຊາດ ໄດ້ຕີລາຄາສູງບັນດາຄວາມມານະພະຍາຍາມຂອງຄະນະກຳມະການນີ້ໃນການຮັກສາສັນຕິພາບ, ຄວາມສະຫງົບໃນພາກພື້ນ ແລະ ສາກົນ. ພ້ອມທັງຢືນຢັນຄືນໃໝ່ວ່າ UAE ຈະສືບຕໍ່ປະຕິບັດຕາມນະໂຍບາຍຢ່າງຈະແຈ້ງກ່ຽວກັບບັນຫາຫຼຸດຜ່ອນກຳລັງອາວຸດ ແລະ ບໍ່ເຜີຍແຜ່ອາວຸດນິວເຄຼຍ.