WB ໝັ້ນໝາຍຫນູນຊ່ວຍຫວຽດນາມ ຮັກສາເສດຖະກິດມະຫາພາກເປັນປົກກະຕິ.
ວັນທີ 2/12, ທ່ານເລຂາທິການໃຫຍ່ພັກກອມມູນິດຫວຽດນາມ ຫງວຽນຟູຈ້ອງ ໄດ້ໃຫ້ການຕ້ອນຮັບທ່ານນາງ Mulyani Indrawatti ຜູ້ອຳນວຍການບໍລິຫານທະນາຄານໂລກ ພວມຢູ່ຢ້ຽມຢາມຫວຽດນາມ. ທ່ານນາງ Indrawatti ຮັບຮູ້ບັນດາຄວາມມານະພະຍາຍາມຂອງຫວຽດນາມ ໃນການຄວບຄຸມໄພເງິນຟີ້, ຮັກສາເສດຖະກິດມະຫາພາກເປັນປົກກະຕິໃນໄລຍະຜ່ານມາ. ທ່ານນາງໃຫ້ຄຳໝັ້ນໝາຍວ່າ ທະນາຄານໂລກຈະສືບຕໍ່ສະຫນອງຂໍ້ມູນຂ່າວສານ, ແບ່ງປັນບົດຮຽນຂອງປະເທດອື່ນຢູ່ໃນໂລກເພື່ອຊ່ວຍຫວຽດນາມຫລີກລ້ຽງສິ່ງທີ່ບັນດາປະເທດໄດ້ປະສົບ, ພ້ອມແລ້ວຫນູນຊ່ວຍດ້ານການເງິນ ແລະ ເຕັກນິກ ເພື່ອຊ່ວຍໃຫ້ຫວຽດນາມຮັກສາເສດຖະກິດມະຫາພາກເປັນປົກກະຕິ, ປະຕິບັດໂຄງການປະຕິຮູບເສດຖະກິດໃຫ້ສຳເລັດຜົນ. ສ່ວນທ່ານ ເລຂາທິການໃຫຍ່ ຫງວຽນຟູຈ້ອງ ຖືວ່າ: ໃນພາຍພາກຫນ້າ, ຍ້ອນຜົນກະທົບຈາກວິກິດການເສດຖະກິດໂລກ, ຫວຽດນາມ ພວມສຸມໃສ່ຄວບຄຸມໄພເງິນເຟີ້, ຮັກສາເສດຖະກິດມະຫາພາກເປັນປົກກະຕິ, ຮັບປະກັນຊີວິດສັງຄົມ. ໃນວິວັດການນັ້ນ ຫວຽດນາມ ປາດຖະຫນາຈະໄດ້ຮັບການຊ່ວຍເຫລືອຈາກທະນາຄານໂລກ./.