(ບັນນາທິການລຸ້ນຕ່າງລາຍການກະຈາຍສຽງພາກພາສາ ລາວ)

ໃນບັນດາບົດຂຽນກ່ຽວກັບປະຫວັດສາດຂອງການກະຈາຍສຽງພາກພາສາຕ່າງປະເທດ, ເມື່ອທົ່ວປະເທດ ຫວຽດນາມ ກ້າວເຂົ້າສູ່ການຕໍ່ສູ້ໄລຍະ 9 ປີຕ້ານພວກລ່າເມືອງຂຶ້ນ ຝລັ່ງ ທີ່ເຂົ້າມາຮຸກຮານ, ໃນພະແນກກະຈາຍສຽງພາກພາສາຕ່າງປະເທດຂອງວິທະຍຸກະຈາຍສຽງ ຫວຽດນາມ ໄດ້ມີລາຍການກະຈາຍສຽງພາກພາສາ ລາວ ຕື່ມອີກ. ເມື່ອພາກເໜືອໄດ້ຮັບສັນຕິພາບຄືນໃໝ່ນັ້ນ, ວັນທີ 12 ຕຸລາ 1954, ລາຍການກະຈາຍສຽງພາກພາສາ ລາວ ໄດ້ຮັບການສ້າງຕັ້ງຂຶ້ນຢ່າງເປັນທາງການ, ໃນເບື້ອງຕົ້ນ, ພະນັກງານມີພຽງ 3 ຄົນ ທັງເປັນຜູ້ແປພາສາ, ທັງເປັນໂຄສົກໃຫ້ແກ່ລາຍການກະຈາຍສຽງທີ່ອອກອາກາດແຕ່ລະວັນເປັນເວລາ 30 ນາທີ.

ພາຍຫຼັງລາຍການໄດ້ອອກອາກາດເປັນໄລຍະໜຶ່ງ, ຖັນແຖວບັນດາຜູ້ເຮັດວຽກງານກະຈາຍສຽງພາກພາສາ ລາວ ກໍ່ຄ່ອຍໆມີອາວ, ອາເຊິ່ງເປັນຊາວ ຫວຽດນາມ ອາໄສຢູ່ຕ່າງປະເທດເຂົ້າຮ່ວມຕື່ມອີກ. ໃນສະໄໝສົງຄາມ, ບັນດາພະນັກງານໃນລາຍການກະຈາຍສຽງພາກພາສາ ລາວ ຍາມໃດກໍ່ຮັກສາຄື້ນວິທະຍຸໄວ້ຢ່າງໝັ້ນຄົງ, ໄດ້ອອກອາກາດຂ່າວ/ບົດກ່ຽວກັບໄຊຊະນະຢູ່ພາກໃຕ້ - ພາກເໜືອຂອງ ຫວຽດນາມ, ຂອງການປະຕິວັດລາວ, ກໍ່ຄືຫາງສຽງສາກົນທີ່ສະໜັບສະໜູນການປະຕິວັດຂອງ 2 ປະເທດລ້ວນແຕ່ໃນທຸກວັນ. ເມື່ອຫວນຄືນບັນດາລາຍການກະຈາຍສຽງທີ່ໄດ້ອອກອາກາດເປັນຄັ້ງທຳອິດນັ້ນ, ທ່ານ ຟ້າມດິ່ງເກວ໋, ອະດີດຫົວໜ້າລາຍການກະຈາຍສຽງພາກພາສາ ລາວ, ແບ່ງປັນວ່າ: ທ່ານເປັນໂຄສົກຜູ້ທຳອິດທີ່່ອ່ານພາສາ ລາວ ໂດຍກົງເມື່ອອອກອາກາດສົດ, ອ່ານຂ່າວກ່ຽວກັບເຮືອບິນຕົກ, ມີຂ່າວໃໝ່ກໍ່ອ່ານເລີຍ.

“ເມື່ອກ່ອນນີ້, ຜູ້ຟັງລາວ ມັກຕິດຕາມລາຍການພາກພາສາລາວຫຼາຍ. ເພາະວ່າສະໄໝນັ້ນ ບໍ່ມີວິທະຍຸໃດມີຫຼາຍຂໍ້ມູນຄືວິທະຍຸກະຈາຍສຽງ ຫວຽດນາມ, ນັບທັງວິທະຍຸປະເທດລາວ ກໍແມ່ນໂດຍ ຫວຽດນາມ ບຳລຸງສ້າງ. ເຊິ່ງຄື້ນຂອງເຂົາເຈົ້າກໍ່ໄດ້ກະຈາຍຈາກ ຫວຽດນາມ, ແຕ່ບໍ່ສາມາດສົ່ງໄປໄກໄດ້. ຄື້ນຂອງ ຫວຽດນາມ ກະຈາຍໄດ້ໄກກວ່າ, ແຈ້ງກວ່າ. ຈຸດເວລານັ້ນ, ລາຍການພາກພາສາລາວ ໃຫ້ຂ່າວກ່ຽວກັບເຮືອບິນຕົກແມ່ນຂໍ້ມູນທີ່ລາວ ຕ້ອງການທີ່ສຸດ ແລະ ມີຄວາມສຳຄັນຫຼາຍ. ເພາະວ່າ ຫວຽດນາມ - ລາວ ສອງປະເທດຢູ່ສະໜາມຮົບອັນດຽວກັນ, ຂ່າວດີຂອງ ຫວຽດນາມ ກໍ່ແມ່ນຂ່າວດີຂອງລາວ… ບັນດາສິ່ງເຫຼົ່ານັ້ນ ແມ່ນແຫຼ່ງກຳລັງໃຈໃຫ້ລາວ ແລະ ປຸກລຸກນ້ຳໃຈຕໍ່ສູ້ຂອງທັງສອງຊາດ”.

ທ່ານ ຫວູ້ຫາຍ, ອະດີດຮອງຜູ້ອຳນວຍການໃຫຍ່ວິທະຍຸກະຈາຍສຽງ ຫວຽດນາມ (VOV), ອະດີດຫົວໜ້າພະແນກະຈາຍສຽງພາກພາສາຕ່າງປະເທດ (VOV5) ໃຫ້ຮູ້ວ່າ, ລາຍການກະຈາຍສຽງພາກພາສາ ລາວ ແມ່ນໜຶ່ງໃນບັນດາລາຍການທີ່ໄດ້ສ້າງຕັ້ງຂຶ້ນມາໄວຢູ່ VOV ຖັດຈາກບັນດາລາຍການກະຈາຍສຽງພາກພາສາ ອັງກິດ, ຝລັ່ງ ໃນໄລຍະທຳອິດ. ທ່ານເນັ້ນໜັກເຖິງຄວາມຈຳເປັນກ່ຽວກັບການສ້າງລາຍການພາກພາສາ ລາວ ວ່າ:

“ຕາມທັດສະນະຂອງຂ້າພະເຈົ້າແລ້ວ, ສາຍເຫດທີ່ພາໄປເຖິງການສ້າງຕັ້ງລາຍການພາກພາສາລາວ ກໍ່ຍ້ອນວ່າການພົວພັນລະຫວ່າງ ຫວຽດນາມ  - ລາວ ແມ່ນສາຍພົວພັນມິດຕະພາບແບບພິເສດ ໂດຍປະທານ ໂຮ່ຈີມິນ, ປະທານ ສຸພານຸວົງ ແລະ ປະທານ ໄກສອນ ພົມວິຫານ ພ້ອມດ້ວຍການນຳລຸ້ນຕ່າງໆໄດ້ອອກເຫື່ອເທແຮງເພີ່ມພູນຄູນສ້າງ ແລະ ສາຍພົວພັນນັ້ນ ບໍ່ຢຸດຢູ່ສາຍພົວພັນຄູ່ຮ່ວມມື, ຍຸດທະສາດຮອບດ້ານ ເຊິ່ງສະແດງອອກໃຫ້ເຫັນວ່າ ສອງຊາດ ຫວຽດນາມ - ລາວ ດຳລົງຊີວິດຄືເປັນອ້າຍນ້ອງກັນ, ຄືດັ່ງການນຳຫຼາຍທ່ານໄດ້ເວົ້າວ່າ “ການຊ່ວຍເຫຼືອເພື່ອນແມ່ນຊ່ວຍເຫຼືອຕົນເອງ”.

ມູນເຊື້ອສາມັກຄີສັດຊື່ບໍລິສຸດໄດ້ຮັກສາໄວ້ຜ່ານບັນນາທິການ, ນັກຂ່າວລຸ້ນຕ່າງໆ, ເມື່ອການປະຕິວັດຂອງ 2 ປະເທດໄດ້ກ້າວເຂົ້າສູ່ໄລຍະໃໝ່. ໂດຍສືບທອດມູນເຊື້ອຂອງລຸ້ນກ່ອນໆ, ພະນັກງານ, ນັກຂ່າວລາຍການກະຈາຍສຽງພາກພາສາ ລາວ ໃນປະຈຸບັນນັບມື້ນັບມີຄວາມຂະຫຍັນຂັນເຄື່ອນ, ປະດິດຄິດສ້າງ. ປະຈຸບັນ, ສະມາຊິກໃນລາຍການກະຈາຍສຽງພາກພາສາ ລາວ ໝົດທຸກຄົນລ້ວນແຕ່ຮຽນຈົບຈາກມະຫາວິທະຍາໄລແຫ່ງຊາດ ລາວ. ຫຼາຍຄົນຍັງໄດ້ຮຽນຂະແໜງສື່ມວນຊົນ ແລະ ໄດ້ຮັບການບຳລຸງສ້າງດ້ານວິຊາການກະຈາຍສຽງທີ່ທັນສະໄໝ, ສຳຜັດກັບເຕັກໂນໂລຊີໃໝ່ຢ່າງວ່ອງໄວ. ຍ້ອນເຫດນັ້ນ, ລະດັບການບັນນາທິການ, ແປພາສາໄດ້ຮັບການຍົກສູງຂຶ້ນ. ບຸ່ຍແທັງນາມ, ນັກຂ່າວໜຸ່ມຂອງລາຍການ, ໃຫ້ຮູ້ວ່າ:

“ແຕ່ລະເທື່ອທີ່ດ້ຟັງລາຍການກະຈາຍສຽງພາກພາສາລາວ ຍາມໃດຂ້າພະເຈົ້າກໍຮູ້ສຶກວ່າ ຕົນເອງພວມຢູ່ໃກ້ກັບເພື່ອນລາວກວ່າ, ຊ້ຳບໍ່ໜຳ ຄືວ່າຕົນເອງກຳລັງຢູ່ປະເທດລາວ. ພິເສດ, ຕອນທີ່ຄິດຮອດເພື່ອນລາວ, ດົນໆບໍ່ໄດ້ໄປລາວ, ແນ່ນອນວ່າຈະຢາກໄດ້ຟັງສຽງເວົ້າ, ດຽວນີ້ຂ້າພະເຈົ້າບໍ່ໄດ້ຢູ່ໃກ້ກັບເພື່ອນລາວຄືເມື່ອກ່ອນແລ້ວ, ຂ້າພະເຈົ້າເລືອກຟັງວິທະຍຸ ເພື່ອໄດ້ຟັງພາສາລາວ, ຖືເປັນວ່າຕົນເອງກຳລັງໄດ້ພົບປະໂອ້ລົມກັບເພື່ອນລາວ”.

(ບັນນາທິການລຸ້ນຕ່າງລາຍການກະຈາຍສຽງພາກພາສາ ລາວ ຖ່າຍຮູບທີ່ລະນຶກຢູ່ສະຖານທູດ ລາວ ປະຈຳ ຫວຽດນາມ)

ນັບແຕ່ເດືອນ ກັນຍາ ປີ 2011, ພ້ອມກັບ 12 ລາຍການອື່ນຂອງພະແນກກະຈາຍສຽງພາກພາສາຕ່າງປະເທດ, ລາຍການກະຈາຍສຽງພາກພາສາ ລາວ ໄດ້ຂ່າວ/ບົດເອົາລົງໃນເວັບໄຊ vovworld.vn. ໃນເວັບໄຊນີ້, ນອກຈາກພາກຂ່າວໄດ້ອັບເດດຢ່າງຕໍ່ເນື່ອງ, ບັນດາລາຍການດຶງດູດໃຈແລ້ວ, ທ່ານຜູ້ຟັງຜູ້ຊົມຍັງໄດ້ຮັບຊົມບັນດາລາຍການພາບສາລະຄະດີ, ຄຼິບທີ່ມີຊີວິດຊີວາ, ແນະນຳທິວທັດທຳມະຊາດ, ທັດສະນີຍະພາບກ່ຽວກັບປະເທດຊາດ ແລະ ຊາວ ຫວຽດນາມ ທີ່ແທ້ຈິງ, ມີສີສັນຫຼາກຫຼາຍອີກດ້ວຍ. ໃນຄື້ນວິທະຍຸກະຈາຍສຽງ ແລະ ໃນເວັບໄຊ, ເນື້ອໃນລາຍການກະຈາຍສຽງພາກພາສາ ລາວ ກໍ່ມີການປ່ຽນແປງໃໝ່, ອັບເດດຢ່າງຕໍ່ເນື່ອງເພື່ອຕອບສະໜອງຄວາມຕ້ອງການທີ່ນັບມື້ນັບເປັນຫຼາຍຮູບຫຼາຍແບບຂອງຜູ້ຟັງ, ຜູ້ອ່ານ.  ເພື່ອນ ນູ່ນູ່ ເມກດາລາ, ອາໄສຢູ່ ວຽງຈັນ, ເປັນຜູ້ຟັງທີ່ໄດ້ຕິດພັນກັບລາຍການພາກພາສາ ລາວ ມາຫາລາຍການໄດ້ແບ່ງປັນຄວາມຮູ້ສຶກຂອງຕົນວ່າ:

ທ່ານ ວັນໄຊ ຕະວິນຍານ, ຮອງຫົວໜ້າຄະນະໂຄສະນາອົບຮົມສູນກາງພັກປະຊາຊົນປະຕິວັດ ລາວ, ອະດີດຮອງຜູ້ອຳນວຍການໃຫຍ່ວິທະຍຸກະຈາຍສຽງແຫ່ງຊາດ ລາວ, ແບ່ງປັນວ່າ: ຍາມໃດທ່ານກໍ່ຕິດຕາມຂ່າວ/ບົດໃນເວັບໄຊ, ກໍຄືຮັບຟັງລາຍການກະຈາຍສຽງຂອງ VOV. ທ່ານໃຫ້ຮູ້ວ່າ, ປະຈຸບັນ ໜັງສືພິມປະຊາຊົນຂອງ ລາວ ຍັງນຳໃຊ້ບັນດາຂ່າວ/ບົດຂອງ VOV ເພື່ອໃຫ້ຂ່າວກ່ຽວກັບແນວທາງ, ນະໂຍບາຍຂອງພັກ, ລັດ ຫວຽດນາມ, ພິເສດແມ່ນບັນດາແນວທາງໃໝ່, ບັນດາສະໄໝກອງປະຊຸມຂອງພັກກອມມູນິດ ຫວຽດນາມ, ກ່ຽວກັບການພົວພັນຮ່ວມມືລະຫວ່າງ ຫວຽດນາມ, ລາວ ຜ່ານໄລຍະຕ່າງໆ…

ປະຈຸບັນ, ລາຍການກະຈາຍສຽງພາກພາສາ ລາວ ໄດ້ອອກອາກາດ 3 ຄັ້ງ/ມື້ ໃນຄື້ນວິທະຍຸ AM ແລະ FM. ນອກຈາກພາກຂ່າວພາຍໃນ, ຕ່າງປະເທດແລ້ວ, ຍັງມີຫຼາຍລາຍການໂຄສະນາກ່ຽວກັບ ຫວຽດນາມ, ເຊິ່ງເພື່ອນ ລາວ ນິຍົມ, ຄື: ລາຍການ “ປະເທດຊາດ ແລະ ຊາວ ຫວຽດນາມ”, “ຄົ້ນຫາ ຫວຽດນາມ”; “ເລື່ອງລາວເຂດບ້ານນາ”… ພິເສດແມ່ນລາຍການ “ໂອ້ລົມກັບເພື່ອນ ລາວ”, “ລາຍການເພງຕາມຄຳຂໍ”… ທ່ານນາງ ຫວໍ້ທິຕວຽດມາຍ, ອະດີດຫົວໜ້າລາຍການກະຈານສຽງພາກພາກສາ ລາວ, ແບ່ງປັນວ່າ:

“ຖັນແຖວນັກຂ່າວ, ບັນນາທິການພາກສາລາວທຸກຄົນ ໃຜໆກໍມີຄວາມພະຍາຍາມທີ່ສຸດ. ພວກຂ້າພະເຈົ້ານັບມື້ນັບຜະລິດອອກບັນດາຄໍລຳຂອງລາຍການທີ່ມີເນື້ອໃນອຸດົມສົມບູນກວ່າ ແລະ ພັດທະນາກວ່າ. ນອກຈາກລາຍການຂ່າວປະຈຳວັນແລ້ວ, ພວກຂ້າພະເຈົ້າຍັງມີຄໍລຳພິເສດສະຫງວນສະເພາະໃຫ້ແກ່ຜູ້ຟັງລາວ ນັ້ນແມ່ນ ລາຍການໂອ້ລົມກັບເພື່ອນລາວ. ຄໍລຳນີ້ໄດ້ຮັບຄວາມສົນໃຈຈາກຜູ້ຟັງຈຳນວນຫຼາຍທີ່ສຸດ. ມີຜູ້ຟັງບາງທ່ານ ທິດໃດກໍໂທຫາລາຍການ, ເປັນຕົ້ນແມ່ນ ທ່ານ ເພັດສະຫວັນ, ເພິ່ນມັກຟັງ ແລະ ຕິດຕາມລາຍການຂອງພວກເຮົາຕະຫຼອດ. ເຂົາເຈົ້າມີຄວາມສົນໃຈເຖິງສະພາບການເມືອງຂອງ ຫວຽດນາມ ນັບທັງອ້າຍນ້ອງບັນນາທິການຂອງລາຍການ ມີຂ່າວໃໝ່ຫຍັງບໍ, ເຂົາເຈົ້າກໍສົນໃຈເຊັ່ນດຽວກັນ”.

ປະຈຸບັນ, ຄື້ນຂອງ VOV5 ໄດ້ອອກອາກາດໃນລະບົບ FM ຢູ່ບັນດານະຄອນໃຫຍ່, ຄື: ຮ່າໂນ້ຍ, ກວາງນິງ, ດ່ານັ້ງ, ນະຄອນ ໂຮ່ຈີມິນ, ແມ່ນແຫ່ງທີ່ມີນັກສຶກສາ ລາວ ພວມດຳລົງຊີວິດ, ຮ່ຳຮຽນເປັນຈຳນວນຫຼາຍ, ປະກອບສ່ວນຊ່ວຍໃຫ້ທ່ານຜູ້ຟັງມີຄວາມເຂົ້າໃຈກວ່າກ່ຽວກັບສາຍພົວພັນ ຫວຽດນາມ - ລາວ, ກໍຄືສະພາບການສາກົນທີ່ພົ້ນເດັ່ນ. ນີ້ແມ່ນບັນດາສິ່ງທີ່ຈຳເປັນເຊິ່ງລາຍການພາກພາສາ ລາວ ຂອງ VOV ໄດ້ປະກອບສ່ວນເຂົ້າໃນສື່ມວນຊົນຕ່າງປະເທດໃນປະຈຸບັນ. ທ່ານນາງ ຟໍເກິມຮວາ, ຫົວໜ້າພະແນກກະຈາຍສຽງພາສາຕ່າງປະເທດ VOV5 ຖືວ່າ, ໃນໄລຍະຈະມາເຖິງ, ທາງລາຍການຕ້ອງມີຫຼາຍກວ້າງຂ່າວ/ບົດກ່ຽວກັບ ລາວ ຕື່ມອີກ. ຍົກສູງຄຸນນະພາບລາຍການຜ່ານການກະຈາຍສຽງປະຈຳວັນ, ພ້ອມທັງໂຄສະນາຢ່າງເລິກເຊິ່ງ, ກວ້າງຂວາງກ່ຽວກັບບັນດາໂອກາດສະເຫຼີມສະຫຼອງວັນສຳຄັນຂອງສາຍພົວພັນລະຫວ່າງ 2 ປະເທດ ຫວຽດນາມ - ລາວ, ບັນດາເຫດການໃຫຍ່ຂອງ ລາວ ແລະ  ຫວຽດນາມ ໃຫ້ຫຼາຍກວ່າອີກ.

(ທ່ານນາງ ຟໍເກິມຮວາ, ຫົວໜ້າພະແນກກະຈາຍສຽງພາສາຕ່າງປະເທດ VOV5)

          “ກ່ຽວກັບທິດທາງຂອງລາຍການໃນໄລຍະຈະມາເຖິງ, ລາຍການພາກພາສາລາວ ແລະ ພາສາອື່ນໆໃນກຸ່ມ ອາຊຽນ ຍາມໃດກໍໄດ້ຮັບການຕີລາຄາສູງ ເພາະວ່າ ມີທີ່ຕັ້ງພູມສາດໃກ້ກັບ ຫວຽດນາມ ຫຼາຍ. ພ້ອມດຽວກັນນັ້ນ, ຫວຽດນາມ ກໍແມ່ນສະມາຊິກຕັ້ງໜ້າໃນກຸ່ມ ອາຊຽນ. ເພາະສະນັ້ນ, ລາຍການພາກພາສາລາວ ຈະສືບຕໍ່ສວມບົດບາດສຳຄັນໃນລາຍການກະຈາຍສຽງ 13 ພາສາຂອງພະແນກບັນດາລາຍການກະຈາຍສຽງພາສາຕ່າງປະເທດ. ໄປຄຽງຄູ່ກັນນັ້ນ, ວຽກງານດ້ານວິຊາການ, ລາຍການພາກພາສາລາວ ຕ້ອງຮັບປະກັນຮັກສາໄດ້ທ່ວງທ່າພັດທະນາຂອງບັນດາບັນນາທິການແປເກັ່ງ, ເພື່ອນຳເອົາທັດສະນະ, ສຽງເວົ້າຂອງພັກ ແລະ ລັດ ໄປເຖິງບັນດາເພື່ອນລາວ, ກໍຄືພາກພື້ນ ອາຊີຕາເວັນອອກສ່ຽງໃຕ້ ແລະ ໂລກ”.

ທ່ານ ວັນໄຊ ຕະວິນຍານ, ຮອງຫົວໜ້າຄະນະໂຄສະນາອົບຮົມສູນກາງພັກປະຊາຊົນປະຕິວັດ ລາວ, ມີເຫັນຕື່ມອີກວ່າ:

ຜ່ານຫຼາຍລຸ້ນຄົນ, ມາຮອດປະຈຸບັນ, ບັນດາຜູ້ເຮັດວຽກງານກະຈາຍສຽງພາກພາສາ ລາວ ຍາມໃດກໍ່ຈົດຈຳຄຳເວົ້າຂອງປະທານ ໂຮ່ຈີມິນ ທີ່ວ່າ:

“ຮັກຫອມກັນໝາຍໝັ້ນ

ຫຼາຍຊັ້ນພູກໍ່ປີນໄຕ່

ຫຼາຍນ້ຳໃຫ່ຍ ແລະ ໂຄກຄ້ອຍ

ຂວາງຂັ້ນກໍ່ດຸ່ງໄປ

ສອງຊາດ ລາວ-ຫວຽດ ໄດ້

ຝັງຄວາມຮັກຢູ່ໃນໃຈ

ຮົ່ງຮ່າ ທັງແມ່ຂອງ

ບໍ່ເລິກປຸນປານໄດ້”,

ສືບຕໍ່ມານະພະຍາຍາມເພີ່ມພູນຄູນສ້າງໃຫ້ແກ່ນ້ຳໃຈມິດຕະພາບ ຫວຽດນາມ - ລາວ. ລາຍການພາກພາສາ ລາວ ກຳນົດວ່າ ໄດ້, ພວມ ແລະ ຈະສືບຕໍ່ຢືນຢັນບົດບາດ, ທີ່ຕັ້ງຂອງ VOV ເວົ້າລວມ, ກໍຄືຂອງ  VOV5 ເວົ້າສະເພາະ ໃນການສື່ສານການຕ່າງປະເທດກັບປະເທດລາວ, ສືບຕໍ່ແມ່ນຂົວເຊື່ອມຕໍ່ໃຫ້ແກ່ນ້ຳໃຈມິດຕະພາບລະຫວ່າງ ຫວຽດນາມ - ລາວ.