ທີ່ການຕ້ອນຮັບພາຍຫຼັງພິທີຍື່ນສານຕາຕັ້ງ, ທ່ານປະທານາທິບໍດີ Mbasogo ໄດ້ຍ້ອງຍໍຊົມເຊີຍບັນດາຜົນງານທີ່ໜ້າປະທັບໃຈຂອງຫວຽດນາມ ໃນວິວັດການປັບປຸງ, ພັດທະນາ, ເຊື່ອມໂຍງເຂົ້າກັບພາກພື້ນ, ສາກົນ ແລະ ຮ່ວມມືຢ່າງໄວ້ເນື້ອເຊື່ອໃຈລະຫວ່າງ Guinea ແລະ ຫວຽດນາມ. ທ່ານປະທານາທິບໍດີ Mbasogo ຢືນຢັນວ່າ, Guinea ຍາມໃດກໍ່ເອົາໃຈໃສ່ ແລະ ປາດຖະໜາເປີດກວ້າງການຮ່ວມມືກັບຫວຽດນາມ, ຖືວ່າ, ບົດຮຽນ ແລະ ຜົນສຳເລັດຂອງຫວຽດນາມ ໃນການປ່ຽນໃໝ່ພັດທະນາເສດຖະກິດແມ່ນບົດຮຽນຢ່າງແທດຈິງ ຊ່ວຍໃຫ້ Guinea ໃນວິວັດທະນາການຫັນປ່ຽນໂຄງປະກອບ, ຫັນພື້ນຖານດ້ານເສດຖະກິດເປັນຫຼາຍຮູບຫຼາຍແບບ, ສະກັດກັ້ນການອາໄສຕໍ່ການສົ່ງອອກນ້ຳມັນ.

        ສ່ວນທ່ານເອກອັກຄະລັດຖະທູດ ຫງວຽນແມ້ງເກື່ອງ ໃຫ້ຄຳໝັ້ນສັນຍາວ່າ ຈະເຮັດຈົນສຸດຄວາມສາມາດຂອງຕົນເພື່ອເພີ່ມທະວີການເຊື່ອມຕໍ່, ຊຸກຍູ້ ແລະ ເປີດກວ້າງການພົວພັນຮ່ວມມືເພື່ອຜົນປະໂຫຍດຂອງ 2 ປະເທດ.