(ພາບປະກອບ)
(vovworld) - ວັນທີ 3/3, ຮອງເລຂາທິການໃຫຍ່ອົງການຮ່ວມມືພັດທະນາເສດຖະກິດ (OECD) Strfan Kapferer ໄດ້ກ່າວເຕືອນວ່າ ພື້ນຖານເສດຖະກິດຂອງສະຫະພາບເອີລົບ (ອີຢູ) ເວົ້າລວມ ແລະ ພື້ນຖານເສດຖະກິດ ອັງກິດເວົ້າສະເພາະ ຈະຖືກຜົນຮ້າຍຢ້ອນຫຼັງຢ່າງໜັກໜ່ວງ, ຖ້າຫາກປະເທດນີ້ອອກຈາກ ອີຢູ. ກ່າວຄວາມເຫັນໃນການໄປປະຕິບັດງານເຖິງ ຮອນລັງ, ທ່ານ Strfan Kapferer ຖືວ່າ, ເລື່ອງຊາວອັງກິດຕົກລົງອອກຈາກ ອີຢູ, ກ່ອນອື່ນໝົດຈະສົ່ງຜົນສະທ້ອນທີ່ຫຍໍ້ທໍ້ເຖິງທ່າໄດ້ປຽບຕົ້ນຕໍ ກ່ຽວກັບຄວາມເສລີດ້ານການຄ້າສິນຄ້າ ແລະ ການບໍລິການຂອງ ອີຢູ, ນອກນັ້ນ, ຍັງເກີດຄວາມຂາດສະຖຽນລະພາບໃນໄລຍະພື້ນຖານເສດຖະກິດຂອງບັນດາປະເທດພາຄີພວມປະສົບກັບຄວາມຫຍຸ້ງຍາກ.