Sam Rainsy ພວມໄປຝືນ ກັບການພົວພັນ ທີ່ເປັນມູນເຊື້ອລະຫວ່າງ ຫວຽດນາມ ແລະ ກຳປູເຈຍ
ທ່ານ Phay Siphan ໂຄສົກຂອງລັດຖະບານ ກຳປູເຈຍ
ພາບ:internet
(vovworld)-“ຫວຽດນາມແມ່ນຫນຶ່ງໃນບັນດາເພື່ອນມິດດີທີ່ສຸດຂອງກຳປູເຈຍ. ຫວຽດນາມ ແລະ ກຳປູເຈຍ ບໍ່ສາມາດກາຍເປັນສັດຕູ ຫາກຍາມໃດກໍແມ່ນຄູ່ຮ່ວມມືໃນການຮັກສາສັນຕິພາບ ພ້ອມກັນພັດທະນາ”. ສິ່ງດັ່ງກ່າວໂດຍແມ່ນທ່ານ Phay Siphan ໂຄສົກຂອງລັດຖະບານ ກຳປູເຈຍ ຍົກອອກມາໃນສະພາບທີ່ການນຳຝ່າຍຄ້ານ ພິເສດແມ່ນ Sam Rainsy, ປະທານພັກກູ້ຊາດ ກຳປູເຈຍ ມີບົດປາໄສຢ່າງລຽນຕິດໂດຍເສກສັນປັ້ນແຕ່ງ ແລະ ແບ່ງແຍກສາຍພົວພັນລະຫວ່າງ ຫວຽດນາມ ແລະ ກຳປູເຈຍ. ຕາມທ່ານ Phay Siphan ແລ້ວ, ນັບແຕ່ເມື່ອຫວຽດນາມ ຊ່ວຍກຳປູເຈຍ ຫລຸດພົ້ນອອກຈາກລະບອບດັບສູນເມື່ອປີ 1979 ມາຮອດປະຈຸບັນ, ຍາມໃດຫວຽດນາມ ກໍແມ່ນເພື່ອນມິດທີ່ດີ, ແມ່ນຄູ່ຮ່ວມມືຂອງ ກຳປູເຈຍ ໃນການຮັກສາສັນຕິພາບ, ພັດທະນາປະເທດຊາດ. ເພາະສະນັ້ນ ບັນດາຄຳຖະແຫລງຂອງ Sam Rainsy ແມ່ນໄປຝືນກັບການພົວພັນທີ່ເປັນມູນເຊື້ອລະຫວ່າງສອງປະເທດ. ທ່ານ Phay Siphan ກໍຢືນຢັນວ່າ: ບັນດາຖ້ອຍທຳນອງການຈຳແນກເຊື້ອຊາດຂອງ Sam Rainsy ແມ່ນການລະເມີດກົດໝາຍສາກົນ.