(ພາບປະກອບ)
(vovworld) - ຮ່າງລັດຖະທຳມະນູນປີ 1992 ສະບັບປັບປຸງ ສືບຕໍໄດ້ຮັບການປະກອບຄຳຄິດຄຳເຫັນຂອງປະຊາຊົນທຸກຊັ້ນວັນນະ. ຕອນເຊົ້າວັນທີ 26/02, ຢູ່ນະຄອນໂຮ່ຈິມິນ, ຄະນະກຳມະການແນວໂຮມປະເທດຊາດນະຄອນ ໄດ້ຈັດກອງປະຊຸມປະກອບຄຳເຫັນໃສ່ຮ່າງລັດຖະທຳມະນູນປີ 1992 ສະບັບປັບປຸງ. ທີ່ກອງປະຊຸມ, ບັນດາຜູ້ແທນໄດ້ສະເໜີວ່າ ຕ້ອງມີກົດໝາຍກ່ຽວກັບການຕິດຕາມກວດກາ ແລະ ຕີລາຄາສັງຄົມຂອງແນວໂຮມປະເທດຊາດ, ເພື່ອໃຫ້ບັນດາແນວໂຮມປະເທດຊາດຂັ້ນຕ່າງໆສາມາດຕິດຕາມກວດກາການເຄື່ອນໄຫວຂອງບັນດາອົງການແຫ່ງລັດ, ບັນດາອົງການໂດຍປະຊາຊົນເລືອກຕັ້ງໄດ້. ດ້ານອື່ນ, ສະເໜີໃຫ້ຄະນະກຳມະການຮຽບຮຽງສະແດງໃນລັດຖະທຳມະນູນ, ການກຳນົດຢ່າງຈະແຈ້ງບົດບາດຂອງແນວໂຮມປະເທດຊາດໃນການເລືອກຕັ້ງບັນດາຕຳແໜ່ງໂດຍສະພາແຫ່ງຊາດເລືອກຕັ້ງ ທີ່ກອງປະຊຸມສະໄໝຕ່າງໆ. ແນວໂຮມປະເທດຊາດມີສິດແນະນຳຜູ້ອອກສະມັກຮັບເລືອກຕັ້ງຕື່ມອີກ ທີ່ມີມາດຖານຕາມຂໍ້ກຳນົດແມ່ນສະມາຊິກສະພາປະຊາຊົນ, ສະມາຊິກສະພາແຫ່ງຊາດ. ມີຜູ້ແທນບາງທ່ານກໍເຂົ້າຮ່ວມການປະກອບຄຳຄິດຄຳເຫັນກ່ຽວກັບບັນດາບັນຫາທີ່ກ່ຽວຂ້ອງເຖິງເສດຖະກິດ ແລະ ທີ່ດິນໃນລັດຖະທຳມະນູນ. ທ່ານ ຮີ່ງວັນມິນ, ປະທານສະຫະສະມາຄົມວິສາຫະກິດນະຄອນໂຮ່ຈິມິນ, ຍົກອອກຄຳເຫັນວ່າ.
“ມາດຕາທີ 58 ທີ່ເວົ້າເຖິງທີ່ດິນ, ໃນກອງປະຊຸມຄັ້ງນີ້ ຮ່າງລັດຖະທຳມະນູນ ໄດ້ເຕື້ອງເຖິງຢ່າງຈະແຈ້ງສິດຊັບສິນ, ກຳມະສິດນຳໃຊ້ທີ່ດິນເຊິ່ງກົດໝາຍປົກປ້ອງ. ນີ້ແມ່ນຈຸດໃໝ່ ແຕ່ຕ້ອງເຮັດແຈ້ງກວ່າ ຍ້ອນທີ່ດິນໃນປະຈຸບັນມີ 3 ສິດນັ້ນແມ່ນ: ສິດນຳໃຊ້, ກຳມະສິດ ແລະ ສິດຊັບສິນ”.
ທີ່ແຂວງ ບ່າເຮ້ຍ - ວູງເຕົ່າ, ບັນດາອົງການສາສະນາສືບຕໍ່ສົ່ງຄຳຄິດຄຳເຫັນປະກອບໃຫ້ຮ່າງລັດຖະທຳມະນູນປີ 1992 ສະບັບປັບປຸງ. ຄຳເຫັນສ່ວນຫຼາຍເຫັນດີກັບເລື່ອງຈຳເປັນຕ້ອງປັບປຸງລັດຖະທຳມະນູນປີ 1992, ເພື່ອຕອບສະໜອງຄວາມຕ້ອງການພັດທະນາເສດຖະກິດ, ສັງຄົມຂອງປະເທດຊາດໃນປະຈຸບັນ ກໍຄືໃນສະພາບເຊື່ອມໂຍງເຂົ້າກັບສາກົນ.