ກອງປະຊຸມສຳມະນາ ກ່ຽວກັບ COC: ບັນດານັກຮຽນຮູ້ຮຽກຮ້ອງ ອາຊຽນຮັກສາຫຼັກການເຫັນດີເຫັນພ້ອມ
(VOVWORLD) - ສິ້ນສຸດກອງປະຊຸມສຳມະນາ, ບັນດານັກວິທະຍາສາດໄດ້ຢັ້ງຢືນເຖິງ ວິວັດທະການການສິ້ນສຸດ ການເຈລະຈາ COC ຈະປະສົບກັບສິ່ງທ້າທາຍຫຼາຍຢ່າງໃນສະພາບທີ່ ຈີນ ພວມປະຕິເສດຄຳຕັດສິນຂອງສານອະນຸຍາໂຕຕຸລາການ(PCA) ເມື່ອປີ 2016, ເຮັດໃຫ້ຄຸນຄ່າຂອງ ສົນທິສັນຍາ ສປຊ ກ່ຽວກັບກົດໝາຍວ່າດ້ວຍທະເລ 1982 (UNCLOS)ຕົກຕ່ຳ.
 ກອງປະຊຸມສຳມະນາ ກ່ຽວກັບ COC (ພາບ:TTXVN) |
ວັນທີ 20 ມິຖຸນາ, ມະຫາວິທະຍາໄລ ທຳມະຊາດ ຢູ່ບາງກອກ, ສູນອາຊີຕາເວັນອອກສ່ຽງໃຕ້ - ເຢຍລະມັນ ກ່ຽວກັບນະໂຍບາຍພາກລັດ ແລະ ບໍລິຫານຢ່າງມີປະສິດທິຜົນ (CPG) ແລະ ກອງທຶນບໍລິຫານ ອາຊີ (AGF) ເປັນປະທານຮ່ວມກອງປະຊຸມສຳມະນາດ້ວຍຫົວຂໍ້ “ກົດແຫ່ງການປະພຶດຂອງບັນດາຝ່າຍຢູ່ທະເລຕາເວັນອອກ (COC): ແຫຼ່ງກຳລັງທາງການທະຫານ ແລະ ຊັບພະຍາກອນທາງທະເລ”. ກອງປະຊຸມສຳມະນາມີການເຂົ້າຮ່ວມຂອງນັກຊ່ຽວຊານ, ນັກຮຽນຮູ້ຫຼາຍທ່ານທີ່ມາຈາກມະຫາວິທະຍາໄລ ທຳມະຊາດຈຸລາລົງກອນ, ວິທະຍາຄານ ເຕັກໂນໂລຢີປ້ອງກັນປະເທດ, ວິທະຍາຄານ ການປ້ອງກັນປະເທດແຫ່ງຊາດ ໄທ, ມະຫາວິທະຍາໄລເຕັກໂນໂລຢີ Nanyang, ສິງກະໂປ; ມະຫາວິທະຍາໄລ UIN Jember, ອິນໂດເນເຊຍ, ມະຫາວິທະຍາໄລ La Salle ຟີລິບປິນ…
ສິ້ນສຸດກອງປະຊຸມສຳມະນາ, ບັນດານັກວິທະຍາສາດໄດ້ຢັ້ງຢືນເຖິງ ວິວັດທະການການສິ້ນສຸດ ການເຈລະຈາ COC ຈະປະສົບກັບສິ່ງທ້າທາຍຫຼາຍຢ່າງໃນສະພາບທີ່ ຈີນ ພວມປະຕິເສດຄຳຕັດສິນຂອງສານອະນຸຍາໂຕຕຸລາການ(PCA) ເມື່ອປີ 2016, ເຮັດໃຫ້ຄຸນຄ່າຂອງ ສົນທິສັນຍາ ສປຊ ກ່ຽວກັບກົດໝາຍວ່າດ້ວຍທະເລ 1982 (UNCLOS)ຕົກຕ່ຳ, ເພີ່ມທະວີການໂຄສະນາກ່ຽວກັບສິ່ງທີ່ໄດ້ເອີ້ນວ່າສະພາບຕົວຈິງໃໝ່ຢູ່ທະເລຕາເວັນອອກ. ໃນຂະນະນັ້ນ, ອາເມລິກາ ແລະ ພັນທະມິດ ນັບມື້ນັບແຊກແຊງເຂົ້າເລິກໃນພາກພື້ນ, ສ້າງບັນດາປັດໃຈຍາກທີ່ຈະຄາດຄະເນລ່ວງໜ້າໄດ້.