ກອງປະຊຸມເຈົ້າໜ້າທີ່ຂັ້ນສູງ ອາຊຽນ-ຈີນ
(ພາບປະກອບ: truongsahoangsa.info)
( vovworld ) – ແຕ່ວັນທີ 24-25/6, ກອງປະຊຸມເຈົ້າໜ້າທີ່ຂັ້ນສູງອາຊຽນ-ຈີນ ກ່ຽວກັບການປະຕິບັດຖະແຫຼງການກ່ຽວກັບການປະພຶດຕໍ່ຂອງຝ່າຍຕ່າງໆຢູ່ທະເລຕາເວັນອອກ (DOC) ໄດ້ດຳເນີນໄປຢູ່ຮ່າໂນ້ຍ. ທ່ານຮອງລັດຖະມົນຕີກະຊວງການຕ່າງປະເທດຫວຽດນາມ Pham Quang Vinh ແລະ ທ່ານຮອງລັດຖະມົນຕີກະຊວງການຕ່າງປະເທດຈີນ ຟູຢິງ ໄດ້ເປັນປະທານຮ່ວມກອງປະຊຸມ. ຝ່າຍຕ່າງໆໄດ້ຢືນຢັນຄຳໝັ້ນສັນຍາເຄົາລົບ ແລະ ປະຕິບັດຖະແຫຼງການກ່ຽວກັບການປະພຶດຕໍ່ຂອງຝ່າຍຕ່າງໆຢູ່ທະເລຕາເວັນອອກຄືນໃໝ່ ແລະ ພ້ອມກັນມຸ່ງໄປເຖິງການສ້າງປະມວນກົດໝາຍກ່ຽວກັບການປະພຶດຕໍ່ຂອງຝ່າຍຕ່າງໆຢູ່ທະເລຕາເວັນອອກ (COC) ໃຫ້ສົມບູນແບບ. ປະເທດຕ່າງໆໄດ້ກ່າວຄຳເຫັນເນັ້ນໜັກເຖິງຄວາມສຳຄັນຂອງສັນຕິພາບ, ສະຖຽນລະພາບ, ຄວາມສະຫງົບປອດໄພໃນການການເດີນທະເລຢູ່ທະເລຕາເວັນອອກ, ແກ້ໄຂການພິພາດລະຫວ່າງຝ່າຍຕ່າງໆທີ່ກ່ຽວຂ້ອງດ້ວຍມາດຕະການສັນຕິພາບ ບົນພື້ນຖານກົດໝາຍສາກົນ. ເນື່ອງໃນໂອກາດນີ້, ອາຊຽນ ສະເໜີຕອ້ງດຳເນີນການແລກປ່ຽນລະຫວ່າງອາຊຽນ-ຈີນ ໂດຍໄວ ເພື່ອແນໃສ່ສ້າງປະມວນຫຼັກການກ່ຽວກັບການປະພຶດຕໍ່ຢູ່ທະເລຕາເວັນອອກ (COC).
ກ່າວຄຳເຫັນທີ່ກອງປະຊຸມ, ທ່ານຮອງລັດຖະມົນຕີກະຊວງການຕ່າງປະເທດຫວຽດນາມ Pham Quang Vinh ໄດ້ຍົກສູງເລື່ອງເຄົາລົບ ແລະ ປະຕິບັດ DOC ຢ່າງຄົບຖ້ວນ, ຖືວ່າ ນີ້ແມ່ນການປະກອບສ່ວນອັນແທດຈິງເຂົ້າໃນສັນຕິພາບ, ສະຖຽນລະພາບ, ຄວາມສະຫງົບປອດໄພການເດີນທະເລໃນພາກພື້ນເວົ້າສະເພາະ, ໃນທະເລຕາເວັນອອກເວົ້າລວມ ແລະ ທ່ານເນັ້ນໜັກວ່າ: ຝ່າຍຕ່າງໆຄວນມຸ່ງໄປເຖິງການສ້າງ COC ໃຫ້ສຳເລັດ, ຜ່ານນັ້ນ ເພີ່ມທະວີການສ້າງຄວາມໄວ້ເນື້ອເຊື່ອໃຈເພື່ອສັນຕິພາບ, ສະຖຽນລະພາບໃນພາກພື້ນ ແລະ ໃນເຂດທະເລຕາເວັນອອກ.