(ພາບປະກອບ)
(vovworld) – ທີ່ນະຄອນໂຮ່ຈີມິນ, ຄະນະການນຳຄະນະພັກ, ສະພາປະຊາຊົນ, ຄະນະກຳມະການປະຊາຊົນ, ຄະນະກຳມະການແນວໂຮມປະເທດຊາດຫວຽດນາມ ນະຄອນໂຮ່ຈີມິນ ໂດຍທ່ານ ເລແທງຫາຍ, ເລຂາຄະນະພັກນະຄອນໂຮ່ຈີມິນ ນຳໜ້າໄດ້ລົງຢ້ຽມຢາມ ແລະ ອວຍພອນບັນດາອົງການສື່ມວນຊົນ ແລະ ບັນດາອະດີດການນຳອົງການສື່ມວນຊົນຕ່າງໆ ໃນບໍລິເວນນະຄອນ ເນື່ອງໃນໂອກາດສະເຫຼີມສະຫຼອງ 90 ປີແຫ່ງວັນສື່ມວນຊົນປະຕິວັດຫວຽດນາມ (21/6/1928 – 21/6/2015).
ຢູ່ຮ່າໂນ້ຍ, ທ່ານປະທານຄະນະກຳມະການປະຊາຊົນນະຄອນຮ່າໂນ້ຍ ຫງວຽນເທຖາວ ໄດ້ລົງຢ້ຽມຢາມ ແລະ ອວຍພອນສຳນັກຂ່າວສານຫວຽດນາມ . ນະທີ່ນີ້, ທ່ານຫງວຽນເທຖາວ ປາດຖະໜາວ່າສຳນັກຂ່າວສານຈະສືບຕໍ່ເອົາໃຈໃສ່, ເພີ່ມທະວີການສື່ສານເພື່ອຊ່ວຍນະຄອນສຳເລັດບັນດາໜ້າທີ່ເຊິ່ງໄດ້ວາງອອກເປັນຢ່າງດີ.
ໃນວັນດຽວກັນ, ຄະນະການນຳແຂວງເງະອານ ໂດຍທ່ານ ໂຮ່ດື່ກເຟີກ, ເລຂາຄະນະພັກແຂວງ ແລະ ທ່ານຫງວຽນຊວນເດື່ອງ, ປະທານຄະນະກຳມະການປະຊາຊົນແຂວງເງະອານ ນຳໜ້າ ພ້ອມກັບຜູ້ຕາງໜ້າບັນດາພະແນກ, ຄະນະ, ຂະແໜງການ, ຫົວໜ່ວຍຕ່າງໆ ໃນບໍລິເວນເຂດແຂວງ ໄດ້ມາຢ້ຽມຢາມ ແລະ ອວຍພອນ ສຳນັກຂ່າວສານຫວຽດນາມປະຈຳແຂວງເງະອານ ເນື່ອງໃນໂອກາດສະເຫຼີມສະຫຼອງ 90 ປີແຫ່ງວັນສື່ມວນຊົນປະຕິວັດຫວຽດນາມ./.