ທ່ານ ຫວູຮົ່ງແທງ ຮອງເລຂາຄະນະພັກແຂວງ ກວາງນິງ
ຕ້ອນຮັບທ່ານປະທານສະພາແຫ່ງຊາດ ຮຸງກາຣີ Kover Laszlo
(ພາບ: baoquangninh.com)
(vovworld) – ຕອນບ່າຍວັນທີ 10/11 ຢູ່ນະຄອນຮ້າລອງ (ແຂວງ ກວາງນິງ), ທ່ານ ຫວູຮົ່ງແທງ ຮອງເລຂາຄະນະພັກແຂວງ ກວາງນິງ, ໄດ້ໃຫ້ການຕ້ອນຮັບທ່ານປະທານສະພາແຫ່ງຊາດ ຮຸງກາຣີ Kover Laszlo. ທີ່ການຕ້ອນຮັບ, ທ່ານ ຫວູຮົ່ງແທງ ຮອງເລຂາຄະນະພັກແຂວງ ໄດ້ແຈ້ງໃຫ້ຊາບບັນດາຄວາມສາມາດບົ່ມຊ້ອນ, ທ່າແຮງຂອງແຂວງໃນການພັດທະນາເສດຖະກິດ - ສັງຄົມ, ພິເສດແມ່ນທ່າແຮງໃນຂົງເຂດທ່ອງທ່ຽວ. ແຂວງ ກວາງນິງ ປາດຖະໜາຢາກໄດ້ຮັບການໜູນຊ່ວຍຈາກປະເທດ ຮຸງກາຣີ ເພື່ອຂຸດຄົ້ນ ແລະ ເສີມຂະຫຍາຍຂົງເຂດທີ່ມີທ່າແຮງນີ້.
ສ່ວນທ່ານ ປະທານສະພາແຫ່ງຊາດ ຮຸງກາຣີ ໃຫ້ຮູ້ວ່າ: ດ້ວຍນະໂຍບາຍມຸ່ງໄປສູ່ທິດຕາເວັນອອກ, ຮຸງກາຣີ ປາດຖະໜາຢາກເປີດກ້ວາງການພົວພັນກັບບັນດາປະເທດຢູ່ນອກສະຫະພາບ ເອີຣົບ, ໃນນັ້ນມີ ຫວຽດນາມ. ທ່ານ Kover Laszlo ເນັ້ນໜັກວ່າ: ພື້ນຖານເສດຖະກິດ ໂດຍອີງໃສ່ການພັດທະນາທ່ອງທ່ຽວ ມີບົດບາດສຳຄັນໃນການພັດທະນາເສດຖະກິດແບບຍືນຍົງ ແລະ ຫວັງວ່າ ກວາງນິງ ຈະສືບຕໍ່ພັດທະນາຫລາຍກ່ວາອີກ, ພິເສດໃນຂົງເຂດການທ່ອງທ່ຽວ.