ທ່ານ Pham Van Mai ພົບປະກັບປະຊາຊົນຢູ່ແຂວງຄຳມ່ວນ
( ພາບ: thanhnien.com.vn )
(vovworld) - ວັນທີ 22/8, ມີຜູ້ແທນ 60 ຄົນທີ່ຕາງໜ້າໃຫ້ບັນດາອົງການຊ່າວໜຸ່ມຫວຽດນາມ ໂດຍທ່ານເລຂາຜູ້ປະຈຳການຄະນະບໍລິຫານງມານສູນກາງຊາວໜຸ່ມກອມມູນິດໂຮ່ຈິມິນ Pham Van Mai ນຳໜ້າ, ໄດ້ໄປຮອດແຂວງບໍລິຄຳໄຊ, ເລີ່ມຕົ້ນລາຍການ ພົບປະແລກປ່ຽນກັບອົງການຊາວໜຸ່ມປະຊາຊົນປະຕິວັດລາວ, ແຕ່ວັນທີ 22 – 28/8/2012. ພາຍຫຼັງທີ່ມາຮອດແຂວງ ບໍລິຄຳໄຊ, ຄະນະໄດ້ເຂົ້າຮ່ວມພິທີເລີ່ມລົງມືກໍ່ສ້າງໂຄງການບ້ານມິດຕະພາບຊາວໜຸ່ມຊາຍແດນຫວຽດນາມ - ລາວ ຢູ່ເມືອງຄຳເກີດ, ໂຄງການໂດຍລັດຖະບານຫວຽດນາມ ອຸປະຖຳ. ກ່າວຄຳເຫັນທີ່ພິທີ, ທ່ານເລຂາຜູ້ປະຈຳການຄະນະບໍລິຫານງານສູນກາງຊາວໜຸ່ມກອມມູນິດໂຮ່ຈິມິນ Pham Van Mai ໄດ້ຫວນຄືນມູນເຊື້ອຮ່ວມມືສາມັກຄີແບບພິເສດລະຫວ່າງສອງປະເທດ, ໃນຫຼາຍປີຜ່ານມາ. ພິເສດ, ອົງການຊາວໜຸ່ມສອງປະເທດ ໄດ້ປະກອບສ່ວນສຳຄັນເຂົ້າໃນການຮັກສາ, ປັບປຸງ ແລະ ເພີ່ມທະວີສາຍພົວພັນທີ່ເປັນມູນເຊື້ອຂອງສອງປະເທດຫວຽດນາມ - ລາວ.
ວັນທີ 23/8, ອົງການຊາວໜຸ່ມກອມມູນິດໂຮ່ຈິມິນ ສືບຕໍ່ເດີນທາງໄປຍັງບັນດາແຂວງພາກໃຕ້ຂອງລາວຄື; ຄຳມ່ວນ, ສະຫວັນນະເຂດ, ສາລາວັນ ແລະ ຈຳປະສັກ, ຢ້ຽມຢາມເຂດອານຸສອນສະຖານປະທານໂຮ່ຈິມິນ ຢູ່ແຂວງຄຳມ່ວນ; ເປີດສະຫຼອງສູນກອມພິວເຕີ ພັດທະນາວຽກງານຊາວໜຸ່ມ, ຢ້ຽມຢາມເຂດເສດຖະກິດພິເສດ ສະຫວັນເຊໂນ, ຢູ່ແຂວງສະຫວັນນະເຂດ…