(vovworld) - ທີ່ນະຄອນຫຼວງປາຣີ, ປະເທດຝລັ່ງ ຫາກໍດຳເນີນການພົບປະລະຄັ້ງທີ 10 ຫວ່າງສະໂມສອນນັກທຸລະກິດຫວຽດນາມ, ລາວ, ກຳປູເຈຍ ແລະ ຝລັ່ງ, ດ້ວຍການເຂົ້າຮ່ວມຂອງນັກທຸລະກິດເກືອບ 100 ຄົນ. ນະທີ່ນີ້, ບັນດາຜູ້ແທນໄດ້ແລກປ່ຽນກ່ຽວກັບສະພາບການເສດຖະກິດ, ການເມືອງສາກົນ ແລະ ພາກພື້ນ, ກໍຄືບັນດາມາດຕະການຊຸກຍູ້ການພົວພັນຄ້າຂາຍ, ແລກປ່ຽນດ້ານການຄ້າລະຫວ່າງ 3 ປະເທດຫວຽດນາມ, ລາວ ແລະ ກຳປູເຈຍ, ກໍຄືລະຫວ່າງ 3 ປະເທດນີ້ກັບບັບດາຄູ່ຮ່ວມມືຝລັ່ງ. ທີ່ການພົບປະ, ທ່ານ Nguyen Canh Cuong, ທີ່ປຶກສາດ້ານການຄ້າ ສະຖານທູດຫວຽດນາມ ປະຈຳຝລັ່ງ ໄດ້ເນັ້ນໜັກວ່າ ການພົບປະຄັ້ງນີ້ຈະຊ່ວຍໃຫ້ອົງການການຄ້າສຳພັດກັບບັນດາວິສາຫະກິດປະເທດຝລັ່ງ ເພື່ອຊ່ວຍໃຫ້ບັນດາວິສາຫະກິດຫວຽດນາມ ຊອກຫາຄູ່ຮ່ວມມືທີ່ເໝາະສົມ. ກົງກັນຂ້າມ, ບັນດາວິສາຫະກິດຫວຽດນາມ ກໍມີໂອກາດແລກປ່ຽນບົດຮຽນໃນຂົງເຂດຜະລິດ, ການສົ່ງອອກນຳເຂົ້າຫຼາຍຂະແໜງ ຫຼື ປ່ຽນໃໝ່ເຕັກໂນໂລຊີທີ່ກ້າວໜ້າ ເພື່ອຍົກສູງຄຸນນະພາບສິນຄ້າ.