ການພົວພັນລະຫວ່າງຫວຽດນາມ - ແບນຊິກ, ຫວຽດນາມ - ອີຢູ ຈະມີບາດກ້າວບຸກທະລຸ
(ທ່ານນາຍົກລັດຖະມົນຕີຫວຽດນາມ ຫງວຽນເຕີນຢຸງ)
(vovworld) – ໂດຍໄດ້ຮັບຄຳເຊີນຂອງທ່ານນາຍົກລັດຖະມົນຕີແບນຊິກ ແລະ ປະທານຄະນະກຳມະການເອີລົບ (ອີຢູ), ທ່ານນາຍົກລັດຖະມົນຕີຫວຽດນາມ ຫງວຽນເຕີນຢຸງ ຈະໄປຢ້ຽມຢາມແບນຊິກ ແລະ ອີຢູ ຢ່າງເປັນທາງການ, ແຕ່ວັນທີ 12 – 14/10. ເນື່ອງໃນໂອກາດນີ້, ເມື່ອຕອບສຳພາດສື່ມວນຊົນ, ທ່ານເອກອັກຄະລັດຖະທູດຫວຽດນາມ ປະຈຳແບນຊິກ ແລະ ອີຢູ, ຟ້າມແຊງເຈົາ ໃຫ້ຮູ້ວ່າ: ນີ້ແມ່ນການຢ້ຽມຢາມເປັນທາງການຄັ້ງທຳອິດຂອງທ່ານນາຍົກລັດຖະມົນຕີ ຫງວຽນເຕີນຢຸງ ທີ່ໄປຢ້ຽມຢາມແບນຊິກ ແລະ ອີຢູ. ການຢ້ຽມຢາມຄັ້ງນີ້ຂອງທ່ານນາຍົກລັດຖະມົນຕີຫງວຽນເຕີນຢຸງ ຈະສ້າງກຳລັງໜູນດ້ານການເມືອງ ເພື່ອສິ້ນສຸດການເຈລະຈາສັນຍາການຄ້າເສລີ ອີຢູ - ຫວຽດນາມ (EVFTA) ໃນຊຸມເດືອນຈະມາເຖິງ ແລະ ເປີດສັງກາດໃໝ່ໃນການຮ່ວມມືລະຫວ່າງຫວຽດນາມ ກັບແບນຊິກ ແລະ ອີຢູ. ທ່ານນາຍົກລັດຖະມົນຕີ ຫງວຽນເຕີນຢຸງ ແລະ ທ່ານປະທານຄະນະກຳມະການເອີລົບ Jose Manuel Barroso ຈະອອກຖະແຫຼງການຮ່ວມດ້ານການເມືອງ ໃນນັ້ນການນຳ 2 ທ່ານຈະເນັ້ນໜັກເຖິງຄວາມຈຳເປັນຕ້ອງລົງນາມ EVFTA ໂດຍໄວ ເພື່ອຊຸກຍູ້ການພົວພັນຮ່ວມມືຮອບດ້ານລະຫວ່າງ 2 ປະເທດຫວ່າອີກ ບົ່ນພື້ນຖານຕ່າງຝ່າຍຕ່າງມີຜົນປະໂຫຍດ.
ທ່ານເອກອັກຄະລັດຖະທູດ ຟ້າມແຊງເຈົາ ເນັ້ນໜັກວ່າ: ໂດຍຮັບຮູ້ໄດ້ທີ່ຕັ້ງ ແລະ ບົດບາດຂອງອີຢູ, ຫວຽດນານ ກຳນົດວ່າ ນີ້ແມ່ນນຶ່ງໃນບັນດາຄູ່ຮ່ວມມືສຳຄັນອັນດັງໜຶ່ງ ແລະ ຍາມໃດຫວຽດນາມ ກໍ່ຖືເປັນສຳຄັນການພົວພັນກັບອີຢູ. ອີຢູ ກໍ່ໄດ້ຕີລາຄາສູງຄວາມສາມາດບົ່ມຊ້ອນ ແລະ ກຳນົດວ່າ ຫວຽດນາມ ແມ່ນຄູ່ຮ່ວມມືສຳຄັນໃນຍຸດທະສາດອາຊີ ຂອງຕົນ.