ການເຄື່ອນໄຫວຕ່າງໆ ເພື່ອຜູ້ປະສົບ ເຄາະຮ້າຍຈາກທາດພິດສີສົ້ມ/ດີໂອຊິນ
(ພາບ:ອີນເຕີແນັດ)
( vovworld ) – ເນື່ອງໃນໂອກາດລະນຶກ 51 ປີແຫ່ງວັນວິນາດສະກຳທາດພິດສີສົ້ມ/ດີໂອຊິນຫວຽດນາມ (10/8/1961-10/8/2012), ຕອນບ່າຍວັນທີ 6/8, ສະຖາບັນການເມືອງການປົກຄອງແຫ່ງຊາດໂຮ່ຈິມິນ ຢູ່ນະຄອນຫຼວງຮ່າໂນ້ຍ ສົມທົບກັບສື່ເອເລກໂຕນິກພັກກອມມູນິດຫວຽດນາມ ໄດ້ຈັດການລົງຢ້ຽມຢາມ ແລະ ມອບຂອງຂວັນໃຫ້ແກ່ບັນດາຄອບຄົວຜູ້ປະສົບເຄາະຮ້າຍຈາກທາດພິດສີສົ້ມ/ດີໂອຊິນໃນບໍລິເວນນະຄອນດ່ານັງ ແລະ ແຂວງກວາງນາມ. ໃນໂອກາດນີ້, ສະມາຄົມຜູ້ປະສົບເຄາະຮ້າຍຈາກທາດພິດສີສົ້ມ/ດີໂອຊິນນະຄອນດ່ານັງ ສົມທົບກັບບັນດາວິສາຫະກິດໄດ້ມອບຂອງຂວັນກ່ວາ 500 ພູດ, ກໍ່ສ້າງເຮືອນແຫ່ງສາຍຈິດສາຍໃຈໃໝ່ 6 ຫລັງ ເພື່ອມອບໃຫ້ແກ່ຄອບຄົວຜູ້ປະສົບເຄາະຮ້າຍຈາກທາດພິດສີສົ້ມ/ດີໂອຊິນດ້ວຍຍອດມູນຄ່າກ່ວາ 300 ລ້ານດົ່ງ. ທ່ານ Tra Thanh Lanh ຮອງປະທານ
ສະມາຄົມຜູ້ປະສົບເຄາະຮ້າຍຈາກທາດພິດສີສົ້ມ/ດີໂອຊິນນະຄອນດ່ານັງ ໃຫ້ຮູ້ວ່າ: “
ນີ້ແມ່ນວຽກງານທີ່ມີຄວາມໝາຍທີ່ສຸດ ເພື່ອບັນເທົາຄວາມເຈັບປວດໃຫ້ແກ່ຜູ້ປະສົບເຄາະຮ້າຍຈາກທາດພິດສີສົ້ມ/ດີໂອຊິນ. ທາງສະມາຄົມຜູ້ປະສົບເຄາະຮ້າຍຈາກທາດພິດສີສົ້ມ/ດີໂອຊິນນະຄອນໄດ້ປຸກລະດົມບັນດາຫົວໜ່ວຍຈັດຕັ້ງ ເພື່ອໜູນຊ່ວຍເງິນເປັນປະຈຳ, ກໍ່ສ້າງເຮືອນແຫ່ງສາຍຈິດສາຍໃຈເພື່ອແນໃສ່ບັນທົາຄວາມທຸກໃຫ້ຜູ້ປະສົບເຄາະຮ້າຍຈາກທາດພິດສີສົ້ມ/ດີໂອຊິນ“