(vovworld) - ພິທີສະເຫຼີມສະຫຼອງວັນຊາດ 2/9 ໄດ້ຈັດຂຶ້ນຢ່າງສົມກຽດຢູ່ສະຖານທູດຫວຽດນາມ ປະຈຳຕ່າງປະເທດ.
ວັນທີ 31/8, ກ່າວຄຳເຫັນນະພິທີສະເຫຼີມສະຫຼອງວັນຊາດ 2/9 ຢູ່ສະຖານທູດຫວຽດນາມ ປະຈຳຈີນ, ທ່ານເອກອັກຄະລັດຖະທູດຫວຽດນາມ Nguyen Van Tho ໄດ້ຫວນຄືນໄລຍະແຫ່ງປະຫວັດສາດ ແລະ ບັນດາຜົນງານຍິ່ງໃຫຍ່ ເຊິ່ງຫວຽດນາມ ບັນລຸໄດ້ໃນຕະຫຼອດ 67 ປີຜ່ານມາ. ເນື່ອງໃນໂອກາດນີ້, ທ່ານເອກອັກຄະລັດຖະທູດ Nguyen Van Tho ໄດ້ຕາງໜ້າພັກ, ລັດ ແລະ ປະຊາຊົນຫວຽດນາມ, ສະແດງຄວາມຂອບອົກຂອບໃຈຕໍ່ພັກ, ລັດ ແລະ ປະຊາຊົນຈີນ, ບັນດາປະເທດເພື່ອນມິດໃນໂລກໄດ້ສະໜັບສະໜູນ, ຊ່ວຍເຫຼືອຫວຽດນາມ ໃນພາລະກິດຕໍ່ສູ້ ແລະ ປົກດປ່ອຍແລະ ໂຮມປະເທດຊາດເປັນເອກະພາບຢ່າງສຸດຈິດສຸດໃຈ ໃນເມື່ອກອນ, ກໍຄືພາລະກິດສ້າງສາປະເທດ ຫວຽດນາມ ໃນປະຈຸບັນ.
ແລະກໍໃນວັນດຽວກັນ, ສະຖານທູດຫວຽດນາມ ປະຈຳອົດສະຕາລີ ໄດ້ຈັດພິທີສະເຫຼີມສະຫຼອງ 67 ປີແຫ່ງການປະຕິວັດເດືອນສິງຫາ ແລະ ວັນຊາດ 2/9 ຢູ່ນະຄອນຫຼວງ Canberra ຢ່າງສົມກຽດ. ທີ່ພິທີ, ທ່ານປະທານສະພາຕໍ່າອົດສະຕາລີ Peter Slipper ໄດ້ອວຍພອນປະຊາຊົນຫວຽດນາມ ເນື່ອງໃນໂອກາດເຫຼີມສະຫຼອງ 67 ປີແຫ່ງວັນຊາດຂອງຫວຽດນາມ. ທ່ານ Slipper ກໍຢືນຢັນການພົວພັນອັນສະໜິດແໜ້ນລະຫວ່າງອົດສະຕາລີ ແລະ ຫວຽດນາມ, ຢືນຢັນການສະໜັບສະໜູນຕໍ່ລັດຖະບານ ແລະ ປະຊາຊົນຫວຽດນາມ, ພ້ອມກັນນັ້ນ ກໍສະແດງຄວາມເຊື່ອໝັ້ນວ່າ ການພົວພັນລະຫວ່າງສອງປະເທດນັບມື້ນັບແໜ້ນແຟ້ນກວ່າອີກ.
ຕອນຄໍ່າວັນທີ 31/8, ສະຖານທູດຫວຽດນາມ ປະຈຳໂທ ໄດ້ຈັດພິທີສະເຫຼີມສະຫຼອງ 67 ປີ່ແຫ່ງວັນຊາດ 2/9. ເຂົ້າຮ່ວມມີຜູ້ຕາງໜ້າຂອງໄທ, ເອກອັກຄະລັດຖະທູດບັນດາປະເທດລັດເຊຍ, ອິນເດຍ ແລະ ບັນດາປະເທດອາຊຽນ, ເພື່ອນມິດສາກົນ ພ້ອມກັບຊາວຫວຽດນາມ ອາໄສຢູ່ໄທ, ພະນັກງານອົງການຫວຽດນາມ ປະຈຳໄທເປັນຈຳນວນຫຼາຍ. ບັນດາແຂກຖືກເຊີນ, ເພື່ອນມິດສາກົນໄດ້ອວຍພອນວັນຊາດຫວຽດນາມ, ຍ້ອງຍໍ ແລະ ຕີລາຄາສູງບັນດາຜົນງານຂອງປະຊາຊົນຫວຽດນາມ, ເຊື້ອໝັ້ນວ່າ ຫວຽດນາມ ຈະສືບຕໍ່ປະກອບສ່ວນເຂົ້າໃນສັນຕິພາບ, ສະຖຽນລະພາບ ແລະ ພັດທະນາ, ຄວາມກ້າວໜ້າຂອງພາກພື້ນ ແລະ ໃນໂລກ.