(ພາບປະກອບ)
(vovworld) - ວັນທີ 29/01, ຄະນະຜູ້ແທນທະຫານເຂດ 7, ການນຳແຂວງ ບິ່ງເຢືອງ, ຄະນະຊີ້ນຳເຂດໄຕຫງວຽນ ແລະ ເຂດຕາເວັນຕົກພາກໃຕ້ ໄດ້ມີການຢ້ຽມຢາມ ແລະ ອວຍພອນປີໃໝ່ໃຫ້ແກ່ປະຊາຊົນ ແລະ ນັກຮົບເມືອງເກາະເຈືອງຊາ, ແຂວງ ແຄ໋ງຮ່ວາ. ຄະນະໄດ້ມອບບັນດາເຄື່ອງໃຊ້ສອຍທີ່ທີ່ຈຳເປັນ ດ້ວຍຍອດມູນຄ່າກວ່າ 600 ລ້ານດົງ ໃຫ້ແກ່ພະນັກງານ, ນັກຮົບ ແລະ ປະຊາຊົນໃນເກາະ. ພິເສດ, ຄະນະຜູ້ແທນໄດ້ຈັດຕັ້ງງານບຸນໜັງສືພິມລະດູບານໃໝ່ຢູ່ທີ່ນີ້ເປັນຄັ້ງທຳອິດດ້ວຍໜັງສືພິມ 50 ສະບັບ ແລະ ວາລະສານກວ່າ 700 ສະບັບ, ແຜ່ນຊີດີ ເພື່ອຮັບໃຊ້ຊີວິດທາງດ້ານຈິດໃຈໃຫ້ແກ່ພະນັກງານ, ນັກຮົບ ແລະ ປະຊາຊົນໃນເກາະ. ທ່ານເລຮ່ວາງກວນ, ປະທານຄະນະກຳມະການປະຊາຊົນນະຄອນໂຮ່ຈິມິນ ໃຫ້ຮູ້ວ່າ.
“ປີນີ້, ນອກຈາກການເບິ່ງແຍງດູແລຊີວິດການເປັນຢູ່ໃຫ້ແກ່ພະນັກງານລັດຖະກອນ, ພາລະກອນນະຄອນ ຍັງມີການສົມທົບເພື່ອເບິ່ງແຍງດູແລຊີວິດທາງດ້ານວັດຖຸແລະຈິດໃຈໃຫ້ແກ່ພະນັກງານ, ນັກຮົບ, ປະຊາຊົນເຂດເກາະທີ່ຫ່າງໄກ, ສະແດງນ້ຳໃຈຂອງທະຫານ, ປະຊາຊົນໃນທົ່ວປະເທດໃນບັນຫາປະກອບສ່ວນເບິ່ງແຍງດູແລໃຫ້ແກ່ພະນັກງານ, ນັກຮົບທີ່ປ້ອງກັນປະເທດ, ນຳມາເຊິ່ງນ້ຳໃຈອັນອົບອຸ່ນ, ຄວາມຮັກແພງຈາກແນວຫຼັງມາສູ່ທະຫານ ແລະ ປະຊາຊົນເຂດທະເລ ແລະ ໝູ່ເກາະ”.
ແລະກໍໃນວັນດຽວກັນ, ກອງບັນຊາການທະຫານນະຄອນ ເກີນເທີ ໄດ້ເປັນການເຄື່ອນໄຫວ “ບຸນເຕັດຂອງທະຫານ ແລະ ປະຊາຊົນ 2013” ດ້ວຍຫົວຂໍ້ວ່າ “ກຳລັງປະກອບອາວຸດນະຄອນເກີນເທີ ຮ່ວມແຮງຮ່ວມໃຈສ້າງຊົນນະບົດໃໝ່”.