 |
(vovworld) – ວັນທີ 22/3, ຄະນະຊາວໜຸ່ມກອມມູນິດ ໂຮ່ຈີມິນ ນະຄອນ ຮ່າໂນ້ຍ ໄດ້ຈັດຕັ້ງງານຊຸມນຸມມິດຕິງສະເຫຼີມສະຫຼອງ 85 ປີແຫ່ງວັນສ້າງຕັ້ງຄະນະຊາວໜຸ່ມກອມມູນິດ ໂຮ່ຈີມິນ (26/3/1931 – 26/3/2016) ແລະ ພົບປະກັບອະດີດພະນັກງານຄະນະຊາວໜຸ່ມຜ່ານໄລຍະຕ່າງໆ. ທີ່ພິທີສະເຫຼີມສະຫຼອງ, ບັນດາຜູ້ແທນໄດ້ພ້ອມກັນທົບທວນຄືນໄລຍະທາງ 85 ປີຂອງຄະນະຊາວໜຸ່ມ, ເສີມຂະຫຍາຍມູນເຊື້ອ “3 ກຽມພ້ອມ”, ໄວໜຸ່ມນະຄອນຫຼວງ ໃນປະຈຸບັນໄດ້, ພວມ ແລະ ຍາມໃດກໍ່ສືບຕໍ່ເຮັດໃຫ້ໜ້າປະຫວັດສາດອັນສະຫງ່າລາສີຂອງໄວໜຸ່ມ ຫວຽດນາມ ສົດໃສ ດ້ວຍຄວາມສຸດຈິດສຸດໃຈ, ອາລົມຈິດ ແລະ ມີຄວາມຮັບຜິດຊອບຂອງຕົນ.
ດ້ວຍຫົວຂໍ້ວ່າ “ສືບຕໍ່ສ້າງບົດເພງໄຊ”, ຕອນຄຳ່ວັນທີ 22/3, ຄະນະຊາວໜຸ່ມແຂວງ ກວາງນາມ ໄດ້ຈັດຕັ້ງພິທີສະເຫຼີມສະຫຼອງ 85 ປີແຫ່ງວັນສ້າງຕັ້ງ ຄະນະຊາວໜຸ່ມກອມມູນິດ ໂຮ່ຈີມິນ ແລະ ເຊີດຊູ 40 ແບບຢ່າງດີເດັ່ນເຊິ່ງແມ່ນພະນັກງານ, ສະມາຊິກຊາວໜຸ່ມດີເດັ່ນ, ຜູ້ທີ່ມີຜົນງານຫຼາຍຢ່າງໃນວຽກງານຂອງຄະນະຊາວໜຸ່ມ ແລະ ຂະບວນການຊາວໜຸ່ມ,ເຍົາວະຊົນ, ອະນຸຊົນ, ມອບທຶນສຶກສາໃຫ້ແກ່ນັກຮຽນທີ່ປະສົບກັບຄວາມຫຍຸ້ງຍາກ 20 ຄົນ. ແລະກໍ່ໃນວັນດຽວກັນ, ຄະນະຊາວໜຸ່ມແຂວງນາມດິ້ງ ໄດ້ຈັດຕັ້ງການຍ້ອງຍໍຊົມເຊີຍບັນດາພະນັກງານຄະນະຊາວໜຸ່ມທີ່ດີເດັ່ນ, ຈັດຕັ້ງການໂອ້ລົມສົນທະນາດ້ວຍຫົວຂໍ້ “ຊາວໜຸ່ມແຂວງ ນາມດິ້ງ ໃນໄລຍະໃໝ່”. ທ່ານເລຂາຄະນະພັກແຂວງ ເບ໋ນແຈ ຫາກໍ່ມີການພົບປະສັງສັນກັບເລຂາຄະນະຊາວໜຸ່ມກອມມູນິດ ໂຮ່ຈີມິນ ຂັ້ນຮາກຖານກ່ວາ 100 ຄົນດ້ວຍຫົວຂໍ້ “ຊາວໜຸ່ມ ແລະ ພ້ອມກັນສ້າງອາຊີບ”. ທ່ານເລຂາຄະນະພັກແຂວງ ຫວັງວ່າ: ບັນດາພະນັກງານຄະນະຊາວໜຸ່ມແມ່ນນັກຮົບປະຈັນບານໃນຂະບວນການພ້ອມກັນສ້າງອາຊີບ, ສຸມໃສ່ໃຫ້ແກ່ການສ້າງອາຊີບເພື່ອຫລຸດພົ້ນຄວາມທຸກຍາກ.