ການເຈລະຈາລະຫວ່າງ ນາຍົກລັດຖະມົນຕີຫວຽດນາມ ແລະ ລັດເຊຍ
ທ່ານນາຍົກລັດຖະມົນຕີ ຫວຽດນາມ Nguyen Tan Dung ແລະ ທ່ານນາຍົກລັດຖະມົນຕີລັດເຊຍ Medvedev (ພາບ: nguyentandung)
|
vovworld- ໃນຂອບເຂດການຢ້ຽມຢາມຫວຽດນາມແຕ່ວັນທີ 6-7/11, ຕອນເຊົ້າວັນທີ 7/11, ຢູ່ຮ່າໂນ້ຍ, ທ່ານນາຍົກລັດຖະມົນຕີ ຫວຽດນາມ Nguyen Tan Dung ແລະ ທ່ານນາຍົກລັດຖະມົນຕີລັດເຊຍ Medvedev ໄດ້ດຳເນີນການເຈລະຈາ. ທີ່ການເຈລະຈາ, ການນຳ 2 ປະເທດໄດ້ເປັນເອກະສັນກັນສືບຕໍ່ເພີ່ມທະວີການພົວພັນດ້ານການເມືອງລະຫວ່າງ 2 ປະເທດໂດຍຜ່ານການແລກປ່ຽນຄະນະຜູ້ແທນຂັ້ນຕ່າງໆ, ຫັນການຮ່ວມມືເປັນຫຼາຍຮູບຫຼາຍແບບ. ທ່ານນາຍົກລັດຖະມົນຕີຫວຽດນາມ Nguyen Tan Dung ແລະ ທ່ານນາຍົກ ລັດຖະມົນຕີລັດເຊຍ Medvedevໄດ້ສຸມໃສ່ປຶກສາຫາລືກ່ຽວກັບທິດທາງ ແລະ ມາດຕະການ ຜັນຂະຫຍາຍບັນດາໂຄງການຮ່ວມມືຍຸດທະສາດ, ເພີ່ມທະວີການ ແລກປ່ຽນການຄ້າເພື່ອຍົກວົງເງິນ 2 ສົ້ນຂຶ້ນເຖິງ 7 ຕື້ USD ໃນປີ 2015. ທ່ານນາຍົກລັດຖະມົນຕີທັງ 2 ຍັງເນັ້ນເຖິງຄວາມໝາຍສຳຄັນຂອງຂອງເລື່ອງຫວຽດນາມ ແລະ ພັນທະພາບພາສີເປັນເອກະພາບກັນຈະດຳເນີນການເຈລະຈາກ່ຽວກັບການສ້າງຕັ້ງເຂດການຄ້າເສລີ FTA ໃນໄຕມາດ 1 ປີ 2013 ແລະ ສຳເລັດການເຈລະຈາໃນຮອບເວລາ 2 ປີ . 2 ຝ່າຍຍັງ ເປັນເອກະສັນກັນສືບຕໍ່ຊຸກຍູ້ການຮ່ວມມືໃນທຸກຂົງເຂດ. ທ່ານນາຍົກລັດຖະມົນຕີຫວຽດນາມ Nguyen Tan Dung ເນັ້ນໜັ້ກວ່າ ຫວຽດນາມຖືເປັນສຳຄັນການຊຸກຍູ້ການຮ່ວມມືກັບລັດເຊຍໃນຂົງເຂດພະລັງງານເວົ້າລວມ ແລະ ນ້ຳມັນອາຍແກັດເວົ້າສະເພາະ, ທ່ານນາຍົກລັດຖະມົນຕີຫວຽດນາມ Nguyen Tan Dung ສະເໜີຝ່າຍລັດເຊຍສືບຕໍ່ສ້າງເງື່ອນໄຂສະດວກໃຫ້ແກ່ວິສາຫະກິດນ້ຳມັນອາຍແກັດຂອງ 2 ປະເທດສ້າງຕັ້ງກຸ່ມຮ່ວມທຸລະກິດໃໝ່ເພື່ອເຂົ້າຮ່ວມບັນດາໂຄງການຢູ່ລັດເຊຍ. ທ່ານນາຍົກລັດຖະມົນຕີຫວຽດນາມ Nguyen Tan Dung ຢືນຢັນວ່າ ລັດຖະບານຫວຽດນາມຈະສືບຕໍ່ສ້າງເງື່ອນໄຂສະດວກເພື່ອໃຫ້ວິສາຫະກິດລັດເຊຍຜັນຂະຫຍາຍບັນດາໂຄງການຮ່ວມມືນ້ຳມັນອາຍແກັດຢູ່ເຂດໄຫຼ່ທະວີບຫວຽດນາມ. ສ່ວນ ທ່ານນາຍົກລັດຖະມົນຕີລັດເຊຍ Medvedev ຢືນຢັນວ່າ ທາງຝ່າຍລັດເຊຍຈະສືບຕໍ່ຮ່ວມມືກັບຫວຽດນາມໃນການສຳຫຼວດຂຸດຄົ້ນ ນ້ຳມັນອາຍແກັດຢູ່ເຂດໄຫຼ່ທະວີບຫວຽດນາມໃນໄລຍະທີ່ຈະມາເຖິງ ພ້ອມທັງ ສ້າງເງື່ອນໄຂສະດວກໃຫ້ແກ່ວິສາຫະກິດຮ່ວທຸລະກິດນ້ຳມັນອາຍແກັດຂອງ 2 ປະເທດເປີດກ້ວາງການຮ່ວມມືໃນດິນແດນລັດເຊຍ. ພາຍຫຼັງການເຈລະຈາ, ທ່ານນາຍົກລັດຖະມົນຕີ ຫວຽດນາມ Nguyen Tan Dung ແລະ ທ່ານນາຍົກລັດຖະມົນຕີລັດເຊຍ Medvedev ໄດ້ເປັນສັກຂີພິຍານພິທີລົງນາມສັນຍາຮ່ວມມືລະຫວ່າງ 2 ປະເທດໃນຂົງເຂດນຳໃຊ້ຮ່ວງອາວະກາດເພື່ອຈຸດປະສົງສັນຕິພາບ ແລະ ເອກະສານຮ່ວມມືໃນຂົງຂົງເຂດພະລັງງານ, ການຄ້າ.
ຕອບສຳພາດວົງການນັກຂ່າວພາຍຫຼັງການເຈລະຈາ. ທ່ານນາຍົກລັດຖະມົນຕີ ຫວຽດນາມ Nguyen Tan Dung ກ່າວວ່າ :
“ພວກຂ້າພະເຈົ້າຕີລາຄາສູງເລື່ອງບັນດາກະຊວງ, ອົງການ, ຂະແໜງການຕ່າງໆທີ່ກ່ຽວຂ້ອງຂອງ 2 ປະເທດ ໄດ້ພະຍາຍາມຜັນຂະຫຍາຍບັນດາໂຄງການຮ່ວມມືຍຸດທະສາດໃນຂົງເຂດນ້ຳມັນອາຍແກັດ, ໄຟຟ້ານິວເຄຼຍ, ແລະ ເຕັກນິກ-ການທະຫານ. ລັດຖະບານຫວຽດນາມ ແລະ ລັດເຊຍຈະສືບຕໍ່ສ້າງເງື່ອນໄຂສະດວກເພື່ອໃຫ້ ບັນດາກະຊວງ, ອົງການ, ຂະແໜງການ, ວິສາຫະກິດຕ່າງໆຂອງ 2 ປະເທດເປີດກ້ວາງການເຄື່ອນໄຫວສຳຫຼວດ, ຂຸດຄົ້ນນ້ຳມັນອາຍແກັດຢູ່ຜືນແຜ່ນດິນຂອງກັນ, ຜັນຂະຫຍາຍການກໍ່ສ້າງໂຮງງານໄຟຟ້ານິວເຄຼຍນິງຖ້ວນເລກ 1 ດ້ວຍຄວາມປອດໄພ, ມີປະສິດທິຜົນ, ນຳການຮ່ວມມືທາງດ້ານ ເຕັກນິກ-ການທະຫານ ໃຫ້ຂຶ້ນສູ່ລະດັບສູງໃໝ່ ”