(ພາບປະກອບ)
(vovworld) - ໃນລະຫວ່າງວັນທີ 26-27/9/2012, ຢູ່ປັກກິງ ໄດ້ດຳເນີນການເຈລະຈາຮອບທີ 2 ຂັ້ນນັກວິຊາການຫວຽດນາມ - ຈີນ ກ່ຽວກັບເຂດທະເລນອກອ່າວພາກເໜືອ. ການເຈລະຈາດຳເນີນໄປໃນບັນຍາການມິດຕະພາບ, ກົງໄປກົງມາ ແລະ ສ້າງສັນ. ສອງຝ່າຍຢືນຢັນເຖິງຄວາມຕັດສິນໃຈພ້ອມກັນມານະພະຍາຍາມຊຸກຍູ້ການເຈລະຈາບົນພື້ນຖານບັນດາຫຼັກການທີ່ໄດ້ລະບຸໄວ້ໃນ ”ຂໍ້ຕົກລົງກ່ຽວກັບບັນດາຫຼັກການພື້ນຖານໃນການຊີ້ນຳແກ້ໄຂບັນຫາໃນເຂດທະເລຫວຽດນາມ - ຈີນ” ເຊິ່ງໄດ້ຮັບການລົງນາມເມື່ອເດືອນ 10/2011, ຊຸກຍູ້ການແບ່ງກຳນົດເຂດທະເລຢູ່ອ່າວພາກເໜືອ. ພ້ອມທັງປຶກສາຫາລືກ່ຽວກັບບັນຫາຮ່ວມມືພ້ອມກັນພັດທະນາຢູ່ເຂດທະເລນີ້. ສອງຝ່າຍເຫັນດີເປັນເອກະສັນວ່າ ຫຼັກການຊີ້ນຳການແບ່ງກຳນົດເຂດທະເລຢູ່ນອກອ່າວພາກເໜືອ ແມ່ນອີງໃສ່ກົດໝາຍສາກົນ, ພິເສດແມ່ນສົນທິສັນຍາຂອງສະຫະປະຊາຊາດກ່ຽວກັບກົດໝາຍວ່າດ້ວຍທະເລເມື່ອປີ 1982. ສອງຝ່າຍເຫັນດີດຳເນີນການເຈລະຈາຮອບທີ 3 ຂັ້ນນັກວິຊາການຫວຽດນາມ - ຈີນ ກ່ຽວກັບເຂດທະເລນອກອ່າວພາກເໜືອ ໃນຕົ້ນປີ 2013 ຢູ່ຫວຽດນາມ.