(vovworld) - ຕຳຫຼວດອີຣັກ ໃຫ້ຮູ້ວ່າ, ຢ່າງໜ້ອຍສຸດມີ 17 ຄົນເສຍຊີວິດ ແລະ 26 ຄົນຮັບບາດເຈັບໃນບັນດາການໃຊ້ຄວາມຮຸນແຮງທີ່ເກີດຂຶ້ນໃນທົ່ວປະເທດ ເມື່ອວັນທີ 23/02. ຮ້າຍແຮງທີ່ສຸດແມ່ນເຫດວາງລະເບີດສະຫຼະຊີບໃສ່ລົດໂອໂຕ ເລັ່ງໃສ່ຂະບວນລົດໂອໂຕຂອງກຳລັງຕຳຫຼວດນະຄອນ Baiji ເຮັດໃຫ້ 7 ຄົນເສຍຊີວິດ, ໃນນັ້ນມີຕຳຫຼວດ 3 ຄົນ ແລະ ຜູ້ຖືກສົງໄສ 4 ຄົນ. ທີ່ນະຄອນຫຼວງ ແບ໋ກແດດ, ບັນດາເຫດວາງລະເບີດຢູ່ເມືອງ Sadr City ແລະ Hurriyah ເຮັດໃຫ້ 8 ຄົນຖືກບາດເຈັບ, ໃນນັ້ນມີຕຳຫຼວດ 3 ຄົນ. ອີຣັກ ພວມປະເຊີນໜ້າກັບສະພາບໃຊ້ຄວາມຮຸນແຮງທີ່ຮ້າຍແຮງທີ່ສຸດໃນຊຸມປີມໍ່ໆມານີ້.