(vovworld) – ຕາມບັນດາພາຫະນະສື່ມວນຊົນ ໄທ ແລ້ວ, ຕອນຄຳ່ວັນທີ 22/2, ໄດ້ເກີດເຫດຍິງປືນ ແລະ ຖີ້ມລະເບີດຢູ່ສະຖານທີ່ແຫ່ຂະບວນປະທ້ວງຕ້ານລັດຖະບານຢູ່ແຂວງ ຕຣາດ, ທາງທິດຕາເວັນອອກປະເທດນີ້, ເຮັດໃຫ້ 2 ຄົນເສຍຊີວິດ ແລະ ອີກ 41 ຄົນຖືກຮັບບາດເຈັບ. ບັນດາມືປືນໃນລົດຂົນສົ່ງໄດ້ຍິງປືນ ແລະ ແກ່ວງລະເບີດມືໃສ່ຜູ້ແຫ່ຈະບວນປະທ້ວງພວມເຕົ້າໂຮມຢູ່ເມືອງ ຄາວ ສະມິນ ຂຶ້ນກັບແຂວງ ຕຣາດ, ໂດຍຮ່າງຈາກນະຄອນຫຼວງ ບາງກອກ ໄປທາງທິດຕາເວັນອອກ 300 ກມ, ຫຼັງຈາກນັ້ນໄດ້ຖອນອອກຈາກສະຖານທີ່ເກີດເຫດ. ນີ້ແມ່ນໜຶ່ງໃນບັນດາເຫດການໃຊ້ຄວາມຮຸນແຮງຮ້າຍແຮງທີ່ສຸດນັບແຕ່ເມື່ອກະແສຟອງແຫ່ຂະບວນປະທ້ວງຕ້ານລັດຖະບານຂອງທ່ານນາງນາຍົກລັດຖະມົນຕີ ຍິ່ງລັກ ຊິນນະວັດ ເກີດຂຶ້ນໃນທ້າຍເດືອນ 11/2013 ຜ່ານມາ. ນັບແຕ່ເມື່ອຂະບວນການແຫ່ຂະບວນປະທ້ວງທຳອິດມາຮອດປະຈຸບັນ, ຢ່າງໜ້ອຍສຸດມີ 16 ຄົນເສຍຊີວິດ, ເກືອບ 700 ຄົນຖືກຮັບບາດເຈັບໃນການປະທະກັນໃຊ້ຄວາມຮຸນແຮງຄັ້ງຕ່າງໆ.