ກຽມພ້ອມບັນດາເງື່ອນໄຂເພື່ອທົດລອງການຕ້ອນຮັບແຂກທ່ອງທ່ຽວສາກົນມາ ຝຸກວັກ
(VOVWORLD) -ຕາມແຜນການໄດ້ຮັບຮອງເອົາຢູ່ກອງປະຊຸມລັດຖະບານສະໄໝສະມັນວັນທີ 6 ກັນຍາ ທີ່ຜ່ານມາ, ຝຸກວັກ ຈະທົດລອງການຮັບແຂກທ່ອງທ່ຽວສາກົນໃນໄລຍະເວລາ 6 ເດືອນ, ຄາດວ່າແຕ່ເດືອນຕຸລາ ປີ 2021.
ເພື່ອຜັນຂະຫຍາຍການທົດລອງຕ້ອນຮັບແຂກທ່ອງທ່ຽວສາກົນມາ ຝຸກວັກ, ຄາດວ່ານັບແຕ່ເດືອນຕຸລາ ປີ 2021, ນະຄອນຝຸກວັກ ພວມສ້າງແຜນການຜັນຂະຫຍາຍປະຕິບັດ, ໃນນັ້ນມີ 4 ໜ້າທີ່ຕ້ອງປະຕິບັດຢ່າງຮີບດ່ວນ. ນັ້ນແມ່ນຍູ້ແຮງການສັກວັກຊິນໃຫ້ແກ່ປະຊາຊົນໃນເກາະຝຸກວັກ ແລະ ບັນດາຜູ້ເຂົ້າຮ່ວມໂດຍກົງ ເຂົ້າວິວັດການຕ້ອນຮັບ ແລະ ຮັບໃຊ້ໃຫ້ແກ່ແຂກທ່ອງທ່ຽວ, ສ້າງແຜນການຜັນຂະຫຍາຍຢ່າງລະອຽດ ການທົດລອງຮັບແຂກທ່ອງທ່ຽວສາກົນ, ຄັດເລືອກບັນດາວິສາຫະກິດ, ຮາກຖານການບໍລິການ ຮັບໃຊ້ໃຫ້ແກ່ແຂກທ່ອງທ່ຽວສາກົນ, ຮັບປະກັນຄວາມປອດໄພ.
ຕາມແຜນການໄດ້ຮັບຮອງເອົາຢູ່ກອງປະຊຸມລັດຖະບານສະໄໝສະມັນວັນທີ 6 ກັນຍາ ທີ່ຜ່ານມາ, ຝຸກວັກ ຈະທົດລອງການຮັບແຂກທ່ອງທ່ຽວສາກົນໃນໄລຍະເວລາ 6 ເດືອນ, ຄາດວ່າແຕ່ເດືອນຕຸລາ ປີ 2021. ເປົ້າໝາຍເຊິ່ງໂຄງການມຸ່ງໄປເຖິງ ນັ້ນແມ່ນບັນດາແຂກທ່ອງທ່ຽວສາກົນ ທີ່ມີໃບຢັ້ງຢືນໄດ້ຮັບການສັກວັກຊິນກັນໂຄວິດ - 19 ຢ່າງຄົບຖ້ວນແລ້ວ ຫຼືໃບຢັ້ງຢືນໄດ້ຮັບການປິ່ນປົວພະຍາດໂຄວິດ - 19 ຫາຍດີເປັນປົກກະຕິ ໂດຍອົງການທີ່ມີໜ້າທີ່ຄວາມຮັບຜິດຊອບຢູ່ ຫວຽດານມ ຮັບຮູ້.