(ພາບ: baodientu.chinhphu.vn)
(vovworld) – ໂດຍໄດ້ຕອບສະໜອງ “ວັນກົດໝາຍຫວຽດນາມ“ (9/11/2013-9/11/2014), ຕອນເຊົ້າວັນທີ 5/11, ຢູ່ຮ່າໂນ້ຍ, ກະຊວງກະສິກຳ ແລະ ພັດທະນາຊົນນະບົດໄດ້ຈັດກອງປະຊຸມ “ວັນເຊີດຊູວັນກົດໝາຍຫວຽດນາມ“. ຫົວເລື່ອງຂອງວັນກົດໝາຍຫວຽດນາມ ປີນີ້ແມ່ນ “ທົ່ວປວງຊົນຕັ້ງໜ້າຊອກຮູ້ ແລະ ປະຕິບັດລັດຖະທຳມະນູນ, ກົດໝາຍຢ່າງເຂັ້ມງວດເພື່ອຈຸດໝາຍ ປຊຊ ຮັ່ງມີ, ປະເທດຊາດເຂັ້ມແຂງ, ປະຊາທິປະໄຕ, ຍຸດຕິທຳ, ສີວິໄລ“. ກ່າວຄຳເຫັນທີ່ກອງປະຊຸມ, ທ່ານຮ່າກົງຕວນ, ຮອງລັດຖະມົນຕີ ກະຊວງກະສິກຳ ແລະ ພັດທະນາຊົນນະບົດຫວຽດນາມ ໃຫ້ຮູ້ວ່າ:
“ພວກຂ້າພະເຈົ້າມີຄວາມຮັບຮູ້ວ່າ, ສ້າງກົດໝາຍແມ່ນເລື່ອງຍາກແຕ່ການຮັບປະກັນການປະຕິບັດກົດໝາຍຢ່າງເຂັ້ມງວດກໍ່ແມ່ນເລື່ອງຍາກກ່ວາ, ສະນັ້ນ, ກ່ອນອື່ນໝົດ, ຕ້ອງສືບຕໍ່ຍົກສູງສະຕິຄວາມຮັບຮູ້, ຄວາມເຂົ້າໃຈກ່ຽວກັບກົດໝາຍ. ພວກຂ້າພະເຈົ້າຮຽກຮ້ອງພະນັກງານ, ລັດຖະກອນ, ພາລະກອນຂະແໜງກະສິກຳແຕ່ລະຄົນຕ້ອງມີຄວາມຮູ້ດ້ານກົດໝາຍກຳນົດກ່ຽວກັບສິດ ແລະ ພັນທະພື້ນຖານຂອງພົນລະເມືອງ, ລັດຖະກອນ ພ້ອມທັງຕ້ອງມີຄວາມຮູ້ດີໃນດ້ານກົດໝາຍກຳນົດໃນຂົງເຂດເຂົາເຈົ້າຮັບຜິດຊອບ. ເຮັດໄດ້ຄືແນວນັ້ນ, ຈຶ່ງສາມາດໂຄສະນາເຜີຍແຜ່ໜູນຊ່ວຍດ້ວນກົດໝາຍ, ຕຸລາການໃຫ້ແກ່ພົນລະເມືອງດີກ່ວາ ແລະ ຮັກສາລັກສະນະເຂັ້ມງວດຂອງກົດໝາຍ“./.
ກ່ຽວຂ້ອງເຖິງຂົງເຂດກະສິກຳຍັງມີຂ່າວວ່າ:
ສ້າງໂຄງປະກອບພັດທະນາກະສິກຳຄືນໃໝ່ຕິດພັນກັບການກໍ່ສ້າງຊົນນະບົດໃໝ່,ຮັບມືກັບການປ່ຽນແປງຂອງດິນຟ້າອາກາດເຂດທົ່ງພຽງແມ່ນ້ຳຂອງ.
ນີ້ແມ່ນຫົວຂໍ້ຂອງກອງປະຊຸມສຳມະນາ ເຊິ່ງດຳເນີນໃນຕອນເຊົ້າວັນທີ 05/11/2014, ຢູ່ແຂວງຊອັກຈັງ ໂດຍຄະນະຊີ້ນຳເຂດຕາເວັນຕົກພາກໃຕ້ສົມທົບກັບກະຊວງກະສິກຳ - ພັດທະນາຊົນນະບົດ ແລະ ແຂວງຊອັກຈັງຈັດຕັ້ງ. ທີ່ກອງປະຊຸມສຳມະນາບັນດາຜູ້ແທນໄດ້ປຶກສາຫາລື, ສະເໜີບັນດາກົນໄກ, ນະໂຍບາຍພິເສດສະເພາະທີ່ເໝາະສົມກັບເຂດທົ່ງພຽງແມ່ນ້ຳຂອງ ແນໃສ່ພັດທະນາພື້ນຖານກະສິກຳ ຜະລິດສິນຄ້າໃຫ້ໝັ້ນຄົງ, ຍົກສູງສະມັດຕະພາບແຮງງານ, ຄຸນນະພາບ ແລະ ມູນຄ່າເພີ່ມ, ຄ້ຳປະກັນສະບຽງອາຫານ ແລະ ປະກອບສ່ວນເຂົ້າໃນການສົ່ງອອກຜະລິດຕະພັນກະເສດ. ກ່າວຄຳເຫັນທີ່ກອງປະຊຸມ, ທ່ານ ເຈິ່ນແທງນາມ ລັດຖະມົນຕີຊ່ວຍວ່າການ ກະຊວງກະສິກຳ ແລະ ພັດທະນາຊົນນະບົດ ໃຫ້ຮູ້ວ່າ :
“ ປະຕິບັດການກໍ່ສ້າງຊົນນະບົດໃໝ່ຕິດພັນກັບການສ້າງໂຄງປະກອບກະສິກຳຄືນໃໝ່, ເອົາໃຈໃສ່ພິເສດການລົງທຶນຄົ້ນຄວ້າ, ຖ່າຍທອດການໝູນໃຊ້ວິທະຍາສາດ, ຊີ້ນຳປະຕິບັດບັນດາຈຸດໝາຍກ່ຽວກັບການສ້າງຊົນນະບົດໃໝ່ຢ່າງຂ້ຽວຂາດ, ໃນນັ້ນເອົາໃຈໃສ່ພິເສດເຖິງບັນດາກິດຈະກຳພື້ນຖານໂຄງລ່າງທີ່ຈຳເປັນ, ຕິດພັນກັບການຜະລິດໃນການດຳລົງຊີວິດ ປະຈຳວັນຂອງປະຊາຊົນໂດຍກົງ. ກໍ່ສ້າງ ແລະ ປະຕິບັດບັນດາໂຄງການໜູນຊ່ວຍພັດທະນາການຜະລິດບັນດາຜະລິດຕະພັນກະເສດຕົ້ນຕໍທີ່ມີລັກສະນະແກ່ງແຍ້ງສູງ ”