(vovworld) – ຕອນເຊົ້າວັນທີ 19/8, ຊາວ ຍີ່ປຸ່ນ 10 ຄົນໄດ້ໄປຍັງເກາະ Uotsuri, ທີ່ຂຶ້ນກັບໝູ່ເກາະທີ່ພວມເກີດການພິພາດກັນເຊິ່ງ ຍີ່ປຸ່ນ ເອີ້ນວ່າ Senkaku ແລະ ຈີນ ເອີ້ນວ່າ ແຕວຢູຍ ການກະທຳດັ່ງກ່າວຂອງຖືກດຳເນີນໄປໃນສະພາບການການພົວພັນລະຫວ່າງ ຍີ່ປຸ່ນ ແລະ ຈີນ ພວມເຄັ່ງຕຶງ ທີ່ກ່ຽວຂ້ອງເຖິງໝູ່ເກາະທີ່ພວມມີການພິພາດດັ່ງກ່າວ. ວັນທີ 15/8 ຜ່ານມາ, ກຳລັງປ້ອງກັນຝັ່ງທະເລ ຍີ່ປຸ່ນ ໄດ້ຈັບຕົວນັກເຄື່ອນໄຫວຊາວ ຈີນ 14 ຄົນຍ້ອນເຫດຜົນວ່າ “ແຊກແຊງເຂົ້າເຂດນານທະເລ ແລະ ເຂົ້າ” ເກາະແຫ່ງໜຶ່ງທີ່ຂຶ້ນກັບໝູ່ເກາະພວມມີການພິພາດກັນ. ວັນທີ 17/8, ຝ່າຍ ຍີ່ປຸ່ນ ໄດ້ເນລະທາດບັນດາບຸກຄົນດັ່ງກ່າວອອກຈາກເກາະແຫ່ງນີ້ ພາຍຫຼັງທີ່ທັງ 2 ຝ່າຍມີຖະແຫຼງການຄັດຄ້ານກັນ ທີ່ກ່ຽວຂ້ອງເຖິງເຫດການດັ່ງກ່າວ. ກ່ອນໜ້ານັ້ນ, ວັນທີ 18/8, ຈີນ ໄດ້ມອບຈົດໝາຍທາງການໃຫ້ຝ່າຍ ຍີ່ປຸ່ນ ຮຽກຮ້ອງໃຫ້ບັນດາສະມາຊິກສະພາແຫ່ງຊາດ ແລະ ບັນດານັກເຄື່ອນໄຫວ ຍີ່ປຸ່ນ ປະລະແຜນການເຂົ້າມາໝູ່ເກາະພວມມີການພິພາດກັນ.