(vovworld) - ຄະນະຜູ້ແທນຂັ້ນສູງລັດຖະບານຫວຽດນາມ ໂດຍທ່ານຮອງນາຍົກລັດຖະມົນຕີ ຮ່ວາງຈູງຫາຍ ນຳໜ້າ ໄດ້ມາຮອດນະຄອນຫຼວງ Muputo, ໃນວັນທີ 29/7, ເລີ່ມຕົ້ນການຢ້ຽມຢາມ Mozambique ຢ່າງເປັນທາງການ ເປັນເວລາ 3 ວັນ. ທ່ານຮອງນາຍົກລັດຖະມົນຕີ ຮ່ວາງຈູງຫາຍ ແລະ ບັນດາສະມາຊິກໃນຄະນະ ໄດ້ໄປວາງພວງມາລາຢູ່ອະນຸສາວະລີວິລະຊົນແຫ່ງຊາດ ແລະ ໄປຢ້ຽມຢາມສະຖານທູດຫວຽດນາມ ປະຈຳ Mozambique. ນະທີ່ນີ້, ທ່ານຮອງນາຍົກລັດຖະມົນຕີ ຮ່ວາງຈູງຫາຍ ເນັ້ນໜັກວ່າ, ສະຖານທູດຫວຽດນາມ ແລະ ປະຊາຄົມຊາວຫວຽດນາມ ຄວນເສີມຂະຫຍາຍຄວາມມານະພະຍາຍາມກວ່າອີກ ເພື່ອຊຸກຍູ້ການພົວພັນຮ່ວມມືທາງດ້ານເສດຖະກິດ, ການຄ້າລະຫວ່າງສອງປະເທດ. ທ່ານຮອງນາຍົກລັດຖະມົນຕີ ຮ່ວາງຈູງຫາຍ ເນັ້ນໜັກວ່າ, ໃນວິວັດແຫ່ງການເຊື່ອມໂຍງເຂົ້າກັບສາກົນ. ຫວຽດນາມ ຄວນເອົາໃຈໃສ່ເປັນພິເສດເຖິງການພັດທະນາເສດຖະກິດພາຍໃນປະເທດ, ໄປຄຽງຄູ່ກັບການເປີດກວ້າງການຮ່ວມມືທາງດ້ານເສດຖະກິດ ແລະ ແລກປ່ຽນດ້ານການຄ້າ ກໍ່ຄືປະຕິບັດໜ້າທີ່ການຕ່າງປະເທດເຊິ່ງພັກ ແລະ ລັດໄດ້ມອບໝາຍໃຫ້, ຍູ້ແຮງການຮ່ວມມືທາງດ້ານເສດຖະກິດ, ການຄ້າ ແລະ ການລົງທຶນ, ປະກອບສ່ວນຊຸກຍູ້ການເຕີບໂຕດ້ານເສດຖະກິດຂອງຫວຽດນາມໃນໄລຍະຈະມາເຖິງ.