(ຄະນະຜູ້ແທນການນຳພັກ, ລັດ, ແນວໂຮມປະເທດຊາດ
ຫວຽດນາມ ເຂົ້າສູ້ສານໄວ້ອາໄລປະທານ ໂຮ່ຈີມິນ)
(vovworld) – ຕອນເຊົ້າວັນທີ 06/12, ຄະນະຜູ້ແທນການນຳພັກ, ລັດ, ແນວໂຮມປະເທດຊາດ ຫວຽດນາມ, ຄະນະຈັດຕັ້ງ, ຄະນະແຂ່ງຂັນ - ຍ້ອງຍໍສູນກາງ ແລະ ບັນດາຜູ້ແທນເຂົ້າຮ່ວມກອງປະຊຸມໃຫຍ່ແຂ່ງຂັນຮັກຊາດທົ່ວປະເທດຄັ້ງທີ 9 ໄດ້ເຂົ້າສູ້ສານໄວ້ອາໄລປະທານ ໂຮ່ຈີມິນ ແລະ ວາງພວງມາລາ, ຖະຫວາຍທູບທຽນອາໄລຫາບັນດານັກຮົບວິລະຊົນທີ່ໄດ້ເສຍສະຫຼະຊີວິດເພື່ອຊາດຢູ່ອະນຸສາວະລີບັນດານັກຮົບວິລະຊົນທີ່ໄດ້ເສຍສະຫຼະຊີວິດເພື່ອຊາດບົນເສັ້ນທາງ ບັ໋ກເຊີນ. ພວງມາລາຂອງຄະນະນຳມີແຖວໜັງສື “ຮູ້ບຸນຄູນປະທານ ໂຮ່ຈີມິນ ຜູ້ຍິ່ງໃຫຍ່ຕະຫລອດໄປ”. ກ່ອນນີ້ 67 ປີ, ວັນທີ 11/6/1948 ປະທານ ໂຮ່ຈີມິນ ໄດ້ອອກຄຳຮຽກຮ້ອງແຂ່ງຂັນຮັກຊາດ, ປຸກລະດົມຂະບວນການແຂ່ງຂັນຮັກຊາດໃນທົ່ວພັກ, ທົ່ວກອງທັບ ແລະ ທົ່ວປວງຊົນຢ່າງເປັນທາງການ. 67 ປີຜ່ານມາ, ຕາມແນວຄິດຂອງເພີ່ນ, ພາຍໃຕ້ການຊີ້ນຳນຳພາຂອງພັກ, ຂະບວນການແຂ່ງຂັນຮັກຊາດຂອງປະຊາຊົນ ຫວຽດນາມ ໄດ້ປະກອບສ່ວນປະຕິບັດບັນດາໜ້າທີ່ປະຕິວັດສຳເລັດ, ນຳສ້າງໄຊຊະນະທີ່ຍິ່ງໃຫຍ່ ໃນພາລະກິດປົດປ່ອຍຊາດ, ໃນການກໍ່ສ້າງ ແລະ ປົກປັກຮັກສາປະເທດຊາດ.
ພາຍຫລັງພິທີໄວ້ອາໄລ, ກອງປະຊຸມໃຫຍ່ແຂ່ງຂັນຮັກຊາດທົ່ວປະເທດຄັ້ງທີ 9 ດຳເນີນວາລະປະຊຸມກະກຽມ. ຕອນບ່າຍວັນທີ 6/12 ດຳເນີນລາຍການຍ້ອງຍໍ, ເຊີດຊູບັນດາແບບຢ່າງທີ່ດີເດັ່ນໃນຂະບວນການແຂ່ງຂັນ “ທົ່ວປະເທດຮ່ວມແຮງຮ່ວມໃຈກໍສ້າງຊົນນະບົດໃໝ່”.