ຄະນະສຳຫລວດສູນກາງພັກ ເຮັດວຽກຢູ່ ແຂວງ ເທື່ອທຽນເຫ້ວ ແລະ ກວາງຈີ້
ພາບປະກອບ
(vovworld) - ວັນທີ 29/5, ຄະນະສຳຫລວດລະຫວ່າງຂະແຫນງກ່ຽວກັບວຽກງານໂຄສະນາເຂດທະເລ, ໝູ່ເກາະ ແລະ ຂີດເສັ້ນປັກຫລັກໝາຍຊາຍແດນ ຂອງສູນກາງ ໂດຍ່ທ່ານ Dang Cong Minh ຮອງຫົວຫນ້າກົມການຂ່າວຕໍ່ຕ່າງປະເທດ ແລະ ການຮ່ວມມືສາກົນ ສັງກັດຄະນະໂຄສະນາສຶກສາສູນກາງພັກ ເປັນຫົວຫນ້າ ໄດ້ມີການເຮັດວຽກຢູ່ ເມືອງພູດອຍ A Luoi ແຂວງ Thua Thien Hue ແລະ ກວດກາສະພາບຕົວຈິງເອົາຫລັກໝາຍ 666 ຢູ່ດ່ານຊາຍແດນ S 10 Adot Tavang. ໃນໄລຍະຜ່ານມາ, ເມືອງ A luoi ປະຕິບັດວຽກງານໂຄສະນາ, ສຶກສາ ເປັນຢ່າງດີເພື່ອໃຫ້ປະຊາຊົນມີຄວາມຮັບຮູ້ຢ່າງຈະແຈ້ງກ່ຽວກັບຈຸດໝາຍ, ຫນ້າທີ່ ແລະ ຄວາມຮຽກຮ້ອງຕ້ອງການຂອງວຽກງງານຂີດເສັ້ນປັກຫລັກໝາຍຊາຍແດນ, ຜ່ານນັ້ນ ປະກອບສ່ວນຍູ້ແຮງລະດັບຄວາມໄວໃນການປັກຫລັກໝາຍຖີ່ ແລະ ບູລະນະລະບົບຫລັກໝາຍຢູ່ເຂດຊາຍແດນ ຫວຽດນາມ ແລະ ລາວ. ກ່າວຄຳເຫັນນະການເຮັດວຽກ, ທ່ານ Dang Cong Minh ຖືວ່າ: ເພື່ອປະຕິບັດວຽກງານກໍ່ສ້າງ ແລະ ປົກປັກຮັກສາອະທິດປະໄຕເຂດຊາຍແດນທາງບົກ ແລະ ທະເລ, ໝູ່ເກາະ ຫວຽດນາມ ໃນໄລຍະຈະມາເຖິງເປັນຢ່າງດີ, ເມືອງ A Luoi ຄວນເພີ່ມທະວີວຽກງານໂຄສະນາກ່ຽວກັບເຂດຊາຍແດນ, ທະເລ ແລະ ໝູ່ເກາະ ຫວຽດນາມ ໃຫ້ແກ່ພະນັກງານ, ສະມາຊິກພັກ ແລະ ປະຊາຊົນທຸກຊັ້ນວັນນະຢ່າງເລິກເຊິ່ງ ແລະ ກວ້າງຂວາງກວ່າອີກ, ເປັນຕົ້ນສຳລັບບັນດາຊົນເຜົ່າສ່ວນຫນ້ອຍເພື່ອປົກປັກຮັກສາອະທິດປະໄຕ, ຄວາມປອດໄພຢູ່ເຂດຊາຍແດນ, ສະຖຽນລະພາບທາງດ້ານການເມືອງ, ຄວາມເປັນລະບຽບຮຽບຮ້ອຍທາງສັງຄົມໃນບໍລິເວນເມືອງ A Luoi.
ແລະໃນຕອນເຊົ້າວັນທີ 3/5, ແຂວງ ກວາງຈີ້ ສົມທົບກັບຄະນະໂຄສະນາສຶກສາສູນກາງພັກ ຈັດຕັ້ງການສົນທະນາຫາລື ກ່ຽວກັບວຍກງານໂຄສະນາທະເລ, ໝູ່ເກາະ ແລະ ປັກຫຼັກໝາຍຊາຍແດນ. ກ່າວຄຳເຫັນທີ່ການໂອ້ລົມສົນທະນາ, ທ່ານ Dang Cong Vinh ກ່າວວ່າ:
“ຍາມໃດພວກເຮົາກໍປ່ຽນໃໝ່ເນື້ອໃນ, ຮູບການໂຄສະນາ, ນັບທັງທະເລໝູ່ເກາະ ກໍຄືການປັກຫຼັກໝາຍຊາຍແດນ. ພິເສດແມ່ນເພີ່ມທະວີວຽກງານຖະແຫຼງຂ່າວ ແລະ ໂຄສະນາດ້ວຍ. ພວກເຮົາຄວນເອົາໃຈໃສ່ວຽກງານໂຄສະນາເຖິງຫຼາຍເປົ້າໝາຍ, ນັບທັງຜູ້ມີຍົດຖະບັນດາສັກ, ພໍ່ແມ່ປະຊາຊົນບັນດາເຜົ່າ, ບັນດາແຜນນະໂຍບາຍຂອງພັກ, ລັດ ກ່ຽວກັບທະເລໝູ່ເກາະ ແລະ ການປັກຫຼັກໝາຍຊາຍແດນ”