(vovworld) – ຕອນເຊົ້າວັນທີ 24/12, ຢູ່ຮ່າໂນ້ຍ, ຄະນະໂຄສະນາສຶກສາສູນກາງ ໄດ້ຈັດກອງປະຊຸມສະຫຼຸບວຽກງານປີ 2015 ແລະ ຜັນຂະຫຍາຍທິດທາງ, ໜ້າທີ່ປີ 2016. ກ່າວຄຳເຫັນທີ່ກອງປະຊຸມ, ທ່ານຫົວໜ້າຄະນະໂຄສະນາສຶກສາສູນກາງ ດິງເທຮີນ ຖືວ່າ, ໃນປີຜ່ານມາ, ຄະນະໂຄສະນາສຶກສາສູນກາງ ໄດ້ມີຄວາມມານະພະຍາຍາມຫຼາຍຢ່າງໃນການກຳແໜ້ນສະພາບແນວຄິດ ແລະ ຫາງສຽງສັງຄົມ; ຕິດພັນກັບທັດສະນະຂອງພັກ, ຮັບປະກັນແນວຄິດ, ໂຄສະນາ, ປະກອບສ່ວນຮັກສາສະຖຽນລະພາບດ້ານການເມືອງ ແລະ ການພັດທະນາເສດຖະກິດ, ວັດທະນະທຳສັງຄົມ. ສຳລັບປີ 2016, ທ່ານ ດິງເທຮີນ ສະເໜີວ່າ.
“ປີ 2016, ເຊິ່ງແມ່ນປີທີ່ພວກເຮົາຈັດກອງປະຊຸມໃຫຍ່ທົ່ວປະເທດ, ພາຍຫຼັງກອງປະຊຸມໃຫຍ່ທົ່ວປະເທດ ແມ່ນໜ້າທີ່ຜັນຂະຫຍາຍຊາບຊຶມການຮ່ຳຮຽນ, ຄົ້ນຄວ້າ ແລະ ມະຕິຂອງພັກ. ນີ້ແມ່ນໜ້າທີ່ຈຸດສຸມອັນດັບໜຶ່ງ. ສະນັ້ນ, ຂ້າພະເຈົ້າສະເໜີຕ້ອງປ່ຽນໃໝ່ເນື້ອໃນວຽກງານໂຄສະນາສຶກສາ. ພ້ອມທັງຊາບຊຶມ, ເຜີຍແຜ່ໂຄສະນາຂົນຂວາຍເພື່ອເລືອກຕັ້ງສະພາແຫ່ງຊາດ, ສະພາປະຊາຊົນ ແມ່ນວັນບຸນຂອງທົ່ວປວງຊົນທັງຊາດ. ເລື່ອງຮ່ຳຮຽນ ແລະ ປະຕິບັດຕາມຄຸນສົມບັດປະທານໂຮ່ຈິມິນ ແມ່ນວຽກງານຕ້ອງປະຕິບັດເປັນປະຈຳ, ສຳຄັນຂອງບັນດາທ້ອງຖິ່ນ, ອົງການ, ອົງການຈັດຕັ້ງພັກ ແລະ ສະມາຊິກພັກ.”