ພາບປະກອບ

ໂດຍສືບຕໍ່ຜົນສຳເລັດຂອງບັນດາຄ້າຍພັກແລ້ງສຳລັບຊາວ ຫວຽດນາມ ອາໄສຢູ່ຕ່າງປະເທດໃນຊຸມປີຜ່ານມາ, ຄະນະກຳມະການແຫ່ງລັດ ກ່ຽວກັບຊາວ ຫວຽດນາມ ອາໄສຢູ່ຕ່າງປະເທດ, ກະຊວງການຕ່າງປະເທດ ຫວຽດນາມ ໄດ້ສືບຕໍ່ຈັດຕັ້ງຄ້າຍພັກແລ້ງ ຫວຽດນາມ 2018 ດ້ວຍຫົວຂໍ້ວ່າ “15 ປີແຫ່ງການເຊື່ອມຕໍ່ກັບອ້ອມແຂນໃຫຍ່” ໄດ້ດຶງດູດການເຂົ້າຮ່ວມຂອງຜູ້ແທນ 120 ຄົນທີ່ມາຈາກ 30 ປະເທດ ແລະ ເຂດແຄ້ວນ. ຂະບວນການກັບມາຢາມບ້ານເກີດເມືອງນອນຂອງໄວໜຸ່ມ ຫວຽດນາມ ອາໄສຢູ່ຕ່າງປະເທດປີນີ້ແມ່ນເລີ່ມຕົ້ນຂຶ້ນຈາກ ວິຫານ ຮູ່ງ, ແຂວງ ຝູເທາະ - ເຊິ່ງແມ່ນກົກເຄົ້າເຫງົ້າກໍຂອງປະເທດຊາດ.

        ໃນບົດກ່າວຄຳເຫັນໄຂຄ້າຍພັກແລ້ງໃນວັນທີ 12 ກໍລະກົດຢູ່ ຝູເທາະ, ທ່ານ ຫວູຮົ່ງນາມ, ຮອງລັດຖະມົນຕີກະຊວງການຕ່າງປະເທດ ຫວຽດນາມ, ຫົວໜ້າຄະນະກຳມະການແຫ່ງລັດ ກ່ຽວກັບຊາວ ຫວຽດນາມ ອາໄສຢູ່ຕ່າງປະເທດ, ເນັ້ນໜັກວ່າ:

        “ໃນຊຸມປີຜ່ານມາ, ຈັດຕັ້ງຄ້າຍພັກແລ້ງແຕ່ລະເທື່ອແມ່ນໂອກາດເພື່ອໃຫ້ລຸ້ນໜຸ່ມ, ລູກຫຼານຊາວ ຫວຽດນາມ ອາໄສຢູ່ຕ່າງປະເທດ ໄດ້ເຂົ້າຮ່ວມ, ທັດສະນະສຶກສາຢູ່ບັນດາເຂດພາກຂອງປະເທດ. ຊາວໜຸ່ມລຸ້ນກ່ອນແມ່ນຂົວເຊື່ອມຕໍ່ລະຫວ່າງພາຍໃນ ແລະ ຕ່າງປະເທດ, ປະກອບສ່ວນຊຸກຍູ້ການພົວພັນມິດຕະພາບລະຫວ່າງ ຫວຽດນາມ ແລະ ເພື່ອນມິດສາກົນ, ນຳທີ່ຕັ້ງບົດບາດຂອງ ຫວຽດນາມ ຂຶ້ນສູງກ່ວາໃນເວທີສາກົນ.”