(vovworld) - ”ບໍລິຈາກເລືອດ - ສ້າງຄວາມເຊື່ອໝັ້ນ” ນັ້ນແມ່ນສານຂອງງານບຸນບໍລິຈາກເລືອດລະດູບານໃໝ່ 2012 ໂດຍສະຖາບັນໂລຫິດສາດ ແລະ ສົ່ງເລືອດສູນກາງ, ຄະນະຊີ້ນຳບັ້ນຂົນຂວາຍບໍລິຈາກເລືອດມະນຸດສະທຳ ແລະ ສະມາຄົມຊາວໜຸ່ມຂົນຂວາຍການບໍລິຈາກເລືອດນະຄອນ ຮ່າໂນ້ຍ ຈັດຕັ້ງຂຶ້ນໃນວັນທີ 12/2. ທ່ານນາງຮອງປະທານປະເທດ ຫງວຽນທິຢວານ ໄດ້ເຂົ້າຮ່ວມ ແລະ ຕີກອງ ໄຂພິທີ.
ກ່າວຄວາມເຫັນນະພິທີ, ທ່ານນາງລັດຖະມົນຕີກະຊວງສາທາລະນະສຸກ ຫງວຽນທິກິມຕ໋ຽນ ໄດ້ຊີ້ແຈ້ງວ່າ, ໃນ 18 ປີຜ່ານມາ, ວຽກງານໂຄສະນາກ່ຽວກັບການສົ່ງເລືອດໄດ້ຮັບການຕອບສະໜອງຢ່າງຕັ້ງໜ້າຈາກໝູ່ປະຊາຊົນ, ພິເສດແມ່ນກຳລັງຊາວໜຸ່ມ, ນັກສຶກສາ, ອັນໄດ້ຮັບປະກັນມີເລືອດຢ່າງພຽງພໍ ແລະ ມີຄຸນນະພາບສູງໃຫ້ແກ່ການພະຍາບານສຸກເສີນ ແລະ ປິ່ນປົວພະຍາດ. ທ່ານນາງລັດຖະມົນຕີກະຊວງສາທາລະນະສຸກ ຫງວຽນທິກິມຕ໋ຽນ , ເວົ້າວ່າ:
”ພວກຂ້າພະເຈົ້າຕີລາຄາສູງສ່ວນບຸກຄົນທີ່ມີໃຈກຸສົນ, ເຊິ່ງໄດ້ບໍລິຈາກເລືອດຂອງຕົນ ເພື່ອກູ້ເອົາຊີວິດໃຫ້ຄົນເຈັບ. ຂ້າພະເຈົ້າເຊື່ອໝັ້ນວ່າ ໃນຊຸມປີຕໍ່ໆໄປ, ສະພາບຂາດເລືອດຈະໄດ້ຮັບການແກ້ໄຂເທື່ອລະກ້າວ. ຄົນເຈັບມີຄວາມຕ້ອງການເລືອດທີ່ສຸດ, ທຸກຄົນຈົ່ງມີການກະທຳ ເພື່ອພ້ອມກັນກູ້ເອົາຊີວິດໃຫ້ເຂົາເຈົ້າ ດ້ວຍການບໍລິຈາກເລືອດຂອງຕົນ”.
ງານບຸນບໍລິຈາກເລືອດລະດູບານໃໝ່ 2012 ແມ່ນແຫ່ງເພື່ອໃຫ້ຜູ້ໃຈບຸນ, ໃຈກຸສົນນັບພັນຄົນບໍລິຈາກເລືອດຂອງຕົນເພື່ອຊ່ວຍກູ້ເອົາຊີວິດໃຫ້ແກ່ຄົນເຈັບ. ເພື່ອນ ຫງວຽນຕ໋ວານແອງ, ນັກສຶກສາ ສະຖາບັນນະໂຍບາຍ ແລະ ພັດທະນາ, ຜູ້ທີ່ເຂົ້າຮ່ວມການບໍລິຈາກເລືອດແບ່ງປັນວ່າ:
”ຂ້າພະເຈົ້າຮູ້ສຶກດີໃຈຫຼາຍເມື່ອໄດ້ບໍລິຈາກເລືອດຂອງຕົນປະກອບສ່ວນເພື່ອວົງຄະນາຍາດ ແລະ ຄິດວ່ານີ້ແມ່ນສິ່ງທີ່ນັກສຶກສາແຕ່ລະຄົນຄວນເຮັດ. ຂ້າພະເຈົ້າຫວັງວ່າ, ຢາດເລືອດຂອງຕົນຈະຖືກສົ່ງເຖິງຄົນເຈັບທີ່ທຸກຍາກ”