ງານພົບປະແລກປ່ຽນ“ມີຄວາມເອກອ້າງທະນົງໃຈຍ້ອນເປັນແມ່ຍິງຫວຽດນາມ”
ບັນດາຜູ້ແທນພົວພັນແລກປ່ຽນກັບສະມາຊິກຊາວໜຸ່ມ
(ພາບ: T.Khoa)
(vovworld) – ຕອນຄຳ່ວັນທີ 1/12, ຢູ່ນະຄອນ ເຫ້ວ ໄດ້ດຳເນີນງານພົບປະແລກປ່ຽນ “ມີຄວາມເອກອ້າງທະນົງໃຈຍ້ອນເປັນແມ່ຍິງ ຫວຽດນາມ”, ໂດຍສູນກາງຊາວໜຸ່ມກອມມູນິດ ໂຮ່ຈີມິນ ສົມທົບກັບສະຫະພັນແມ່ຍິງ ຫວຽດນາມ ຈັດຕັ້ງ. ທ່ານເລຂາສູນກາງຊາວໜຸ່ມກອມມູນິດ ໂຮ່ຈີມິນ ເຢືອງວັນອານ ໃຫ້ຮູ້ວ່າ:
“ລາຍການນີ້ໄດ້ແນະນຳ, ເຊີດຊູບັນດາຈຸດທີ່ດີງາມໃນຄຸນນະທາດ, ຄຸນສົມບັດຂອງແມ່ຍິງ ຫວຽດນາມ, ໄດ້ຮັບການສືບທອດ, ພັດທະນາໃນຕະຫຼອດໄລຍະປະຫວັດສາດ ແລະ ໃນສະໄໝຫັນເປັນອຸດສາຫະກຳ, ທັນສະໄໝ. ຜ່ານນັ້ນ, ພວກຂ້າພະເຈົ້າຢາກຍົກສູງບັນດາຄຸນນະທາດ, ຄຸນສົມບັດອັນດີງາມຂອງແມ່ຍິງ ຫວຽດນາມ, ຈາກນັ້ນໂຄສະນາ, ລະດົມກຳລັງໃຈແກ່ຍິງໜຸ່ມ ພະຍາຍາມແລກປ່ຽນ, ເພື່ອເສີມຂະຫຍາຍມູນເຊື້ອອັນດີງາມຂອງແມ່ຍິງ ໃນໄລຍະປະຈຸບັນ.”