ຈີນ ສືບຕໍ່ຮຽກຮ້ອງບັນດາຝ່າຍຢູ່ ຊີຣີ ຢຸດຕິການໃຊ້ຄວາມຮຸນແຮງ
ສະພາບການໃຊ້ຄວາມຮຸນແຮງພວມເພີ່ມຂຶ້ນຢູ່ ຊີຣີ
(ພາບ: ອີນເຕີເນັດ)
(vovworld) - ອີກເທື່ອໜຶ່ງ, ຈີນໄດ້ອອກສຽງຮຽກຮ້ອງບັນດາຝ່າຍຢູ່ ຊີຣີ ຢຸດຕິສະພາບການໃຊ້ຄວາມຮຸນແຮງໃນທັນທີ ໂດຍບໍ່ມີເງື່ອນໄຂໃດໆ. ແຈ້ງການເມື່ອວັນທີ 3/3 ຂອງກະຊວງການຕ່າງປະເທດ ຈີນ ຮຽກຮ້ອງໃຫ້ອຳນາດການປົກຄອງ ຊິຣີ ແລະ ຝ່າຍຕ່າງໆດຳເນີນການໂອ້ລົມສົນທະນາ. ພ້ອມກັນນັ້ນ, ຈີນ ກໍເນັ້ນໜັກເຖິງການຄັດຄ້ານທຸກໆຮູບການແຊກແຊງເຂົ້າວຽກງານພາຍໃນຂອງ ຊີຣີ. ຖະແລງການຍັງໃຫ້ຮູ້ວ່າ: ຈີນ, ພ້ອມແລ້ວທີ່ຈະໜູນຊ່ວຍມະນຸດສະທຳໃຫ້ແກ່ ຊີຣີ, ແຕ່ວ່າຕ້ອງດຳເນີນໂດຍຜ່ານປະຊາຄົມໂລກ ແລະ ບົນພື້ນຖານເຄົາລົບນັບຖື ອະທິປະໄຕຂອງ ຊີຣີ.