ການປະທ້ວງຄັດຄ້ານຈີນ ຢູ່ຍີ່ປຸ່ນ
(ພາບ:anninhthudo.vn)
(vovworld)- ວັນທີ 23/9, ຈີນ ໄດ້ປະກາດດັດປັບເວລາຈັດພິທີລະນຶກວັນສ້າງຕັ້ງສາຍພົວພັນທາງການທູດເປັນປົກກະຕິກັບຍີ່ປຸ່ນ ຄົບຮອບ 40 ປີ ຊື່ງຕາມນັ້ນແລ້ວພິທີດັ່ງກ່າວຈະຖືກຈັດຕັ້ງຂຶ້ນໃນກາລະເວລາເໝາະສົມ ຫາກບໍ່ແມ່ນວັນທີ 27/9 ຕາມການຄາດຄະເນ. ສຳນັກຂ່າວສານຊີນຮົວ ໄດ້ຄັດສະເໜີຄຳເວົ້າຂອງເຈົ້າໜ້າທີ່ທ່ານໜື່ງໂດຍບໍ່ໄດ້ເຜີຍຊື່ສັງກັດສະມາຄົມມິດຕະພາບກັບຕ່າງປະເທດຂອງຈີນ ໂດຍໃຫ້ຮູ້ວ່າ: ຍ້ອນສະພາບການປະຈຸບັນ (ໝາຍເຖິງການໂຕ້ຖຽງກັນກ່ຽວຂ້ອງເຖິງເຂດໝູ່ເກາະທີ່ປັກກິ່ງເອື້ນວ່າຕ້ຽວອີ ແລະ ໂຕກຽວເອີ້ນວ່າ Senkaku ຢູ່ທະເລຮົວຕຸງ), ຝ່າຍຈີນໄດ້ຕົກລົງໂຈະເວລາຈັດພິທີລະນຶກວັນສ້າງຕັ້ງສາຍພົວພັນທາງການທູດເປັນປົກກະຕິກັບຍີ່ປຸ່ນ ໄວ້ໃນຈຸດເວລາທີ່ເໝາະສົມ. ເຂດໝູ່ເກາະ Senkaku (ຕ້ຽວອີ) ແມ່ນພາຍໃຕ້ສິດຄວບຄຸມຂອງຍີ່ປຸ່ນນັບແຕ່ປີ 1895. ແຕ່ເຖິງຢ່າງໃດກໍ່ຕາມ, ທັງຈີນ ແລະ ໄຕຫວັນ (ຈີນ) ລ້ວນແຕ່ໄດ້ປະກາດອະທິປະໄຕສຳລັບບັນດາເຂດເກາະທີ່ບໍ່ມີຄົນຢູ່ນີ້.