(vovword) - ວັນທີ 27/6 ຢູ່ ນະຄອນຫລວງ ວຽງຈັນ, ການນຳນະຄອນໂຮ່ຈິມີນ ແລະ ນະຄອນ ວຽງຈັນ ໄດ້ເປັນເຈົ້າພາບກອງປະຊຸມສຳມະນາສົ່ງເສີມການລົງທຶນດ້ານການຄ້າ, ການທອ່ງທ່ຽວ ລະຫວ່າງສອງນະຄອນ ເວົ້າສະເພາະ ກໍ່ຄືຫວຽດນາມ ແລະ ລາວ ເວົ້າລວມ. ນີ້ແມ່ນການເຄື່ອນໄຫວແທດຈິງເພື່ອຂຳ່ນັບຮັບຕ້ອນປີແຫ່ງຄວາມສາມັກຄີມິດຕະພາບ ຫວຽດນາມ ແລະ ລາວ ລະຫວ່າງສອງນະຄອນ ແລະ ເປີດສາກໃຫ້ຊຸມ “ວັນນະຄອນ ໂຮ່ຈິມີນ ຢູ່ ນະຄອນຫລວງວຽງຈັນ”.
ທ່ານ ຈູມມະລີ ໄຊຍະສອນ ເລຂາທິການໃຫຍ່, ປະທານປະເທດ ລາວ ຕ້ອນຮັບ
ຄະນະຜູ້ແທນຂັ້ນສູງນະຄອນ ໂຮ່ຈິມີນ
ພາບ: internet |
ແລະກໍໃນຂອບເຂດຊຸມວັນ ນະຄອນ ໂຮ່ຈິມີນ ຢູ່ ນະຄອນຫລວງວຽງຈັນ, ໃນວັນດຽວກັນ, ຄະນະຜູ້ແທນຂັ້ນສູງນະຄອນ ໂຮ່ຈິມີນ ໂດຍທ່ານ Le Thanh Hai ກຳມະການກົມການເມືອງ, ເລຂາຄະນະພັກນະຄອນ ໂຮ່ຈິມີນ ນຳຫນ້າ ໄດ້ມີການເຈລະຈາກັບຄະນະຜູ້ແທນຂັ້ນສູງນະຄອນ ວຽງຈັນ ໂດຍທ່ານ ສຸກັນ ມະຫາລາດ ເຈົ້າຄອງນະຄອນຫລວງ ວຽງຈັນ ເປັນຫົວຫນ້າຄະນະ. ຄຽງຄູ່ກັນນັ້ນ ເພີ່ມທະວີການສຶກສາລຸ້ນຫນຸ່ມເສີມຂະຫຍາຍມູນເຊື້ອຂອງລຸ້ນພໍ່ລຸ້ນອ້າຍເພື່ອປົກປັກຮັກສາ ແລະ ເພີ່ມພູນຄູນສ້າງສາຍພົວພັນມິດຕະພາບແບບພິເສດໃຫ້ນັບມື້ນັບເຂົ້າສູ່ລວງເລິກ ແລະ ມີຄວາມໝາຍແທດຈິງ. ທ່ານ Le Thanh Hai ຖືວ່າ: ໃນໄລຍະຈະມາເຖິງ, ການພົວພັນຮ່ວມມືດ້ານການເມືອງ ແມ່ນການບຸລິມະສິດຕົ້ນຕໍໃນບັນດາເນື້ອໃນທີ່ໄດ້ລົງນາມລະຫວ່າງສອງນະຄອນ, ຕໍ່ມາແມ່ນການຮ່ວມມືກ່ຽວກັບການບຳລຸງສ້າງແຫລ່ງຊັບພະຍາກອນມະນຸດ ແລະ ບັນດາຂົງເຂດເສດຖະກິດສັງຄົມອື່ນ.
Quoc Khanh ນັກຂ່າວ VOV ປະຈຳ ສປປ ລາວ