ກັບກຳລັງຝ່າຍຄ້ານຕໍ່ສູ້ກັບທະຫານຊີຮີ ຢູ່ຄຸ້ມຖະໜົນ Brzeh
(ພາບ: AP)
(vovworld) – ໜັງສືພິມ “al - Watan“ ທີ່ນິຍົມລັດຖະບານຊີຮີ ສະບັບອອກວັນທີ 28/4 ໃຫ້ຮູ້ວ່າ, ມີທະຫານປະເທດນີ້ຫຼາຍຄົນທີ່ໄດ້ຕໍ່ສູ້ກັບກຳລັງຝ່າຍຄ້ານຢູ່ເຂດຕິດກັບນະຄອນຫຼວງ Damascus ມີອາການຕິດອາຍພິດ. ໜັງສືພິມດັ່ງກ່າວຍັງຊີ້ແຈ້ງວ່າມີທະຫານຫຼາຍຄົນຕ້ອງເຂົ້າໂຮງໝໍເສນາລັກ Hamish ໃນຕົ້ນອາທິດນີ້ ຍ້ອນຕິດອາຍເຄມີ ເມື່ອກຳ່ລັງຝ່າຍຄ້ານຍິງລູກປືນຄົກໃສ່ທີ່ຕັ້ງຂອງທະຫານລັດຖະບານຢູ່ເຂດຕິດກັບນະຄອນຫຼວງ. ປະຈຸບັນ, ບັນດາອົງການທີ່ກ່ຽວຂ້ອງຂອງຊີຮີ ພວມສືບສວນອາຍພິດດັ່ງກ່າວແມ່ນປະເພດໃດ. ການໂຕ້ຖຽງກັນກ່ຽວກັບບັນຫານຳໃຊ້ອາວຸດເຄມີຢູ່ຊີຮີ ຫວ່າງແລ້ວນີ້ ເມື່ອອາເມລິກາ ຖືວ່າ ກອງທັບຊີຮີ ອາດສາມາດໄດ້ນຳໃຊ້ອາວຸດເຄມີ, ສ່ວນຫຼາຍແມ່ນທາດພິດ xarin ໃນການຕໍ່ສູ້ຕ້ານກຳລັງຝ່າຍຄ້ານ. ແຕ່ລັດຖະບານຊີຮີ ຍາມໃດກໍ່ປະຕິເສດຄຳກ່າວຫານີ້ ແລະ ຖືວ່າ ນີ້ແມ່ນກົນອຸບາຍຂອງອາເມລິກາ ແລະ ບັນດາພັນທະມິດຝ່າຍຕາເວັນຕົກ ເພື່ອແນໃສ່ຕ້ານອຳນາດການປົກຄອງຊີຮີ.