( vovworld ) - ບັນດາເຈົ້າໜ້າທີ່ປ້ອງກັນຄວາມສະຫງົບອີຣັກໃຫ້ຮູ້ວ່າ ໄລ່ມາຮອດຄໍ່າຄືນວັນທີ 23/7, ຈຳນວນຄົນເສຍຊີວີດໃນເຫດວາງລະເບີດເປັນຫຼາຍຄັ້ງເຊິ່ງເກີດຂຶ້ນໃນວັນດຽກັນຢູ່ 18 ນະຄອນຂອງປະເທດນີ້ ໄດ້ເພີ່ມຂຶ້ນເກືອບ 110 ຄົນແລະ ກວ່າ 200 ຄົນຖືກບາດເຈັບ. ນີ້ແມ່ນມື້ທີ່ມີຈຳນວນຄົນເສຍຊີວິດ ແລະ ຮັບບາດເຈັບຫຼາຍສຸດຢູ່ອີຣັກ ນັບແຕ່ເດືອນ 5/2010 ເປັນຕົ້ນມາ. ປະຈຸບັນບໍ່ທັນມີອົງການໃດໆອອກມາກ່າວຮັບຜິດຊອບຕໍ່ການປະຕິບັດບັນດາການບຸກໂຈມຕີດັ່ງກ່າວເທື່ອ, ແຕ່ວ່າເຄືອຂ່າຍກໍການຮ້າຍ Al Qaeda ໄດ້ກາວເຕື່ອນວ່າ ໃນຊຸມມືທີ່ຈະມາເຖິງຈະສືບຕໍ່ປຸກລະດົມບັນດາການບຸກໂຈມຕີ ເພື່ອຢືດເອົາຖານທີ່ໝັ້ນການທະຫານຈາກກອງທັບລັດຖະບານ. ບັນດາການບຸກໂຈມຕີເຊິ່ງເກີດຂຶ້ນຢູ່ 18 ນະຄອນ, ໃນນັ້ນມີນະຄອນຫຼວງ Baghdad. ການໃຊ້ຄວາມຮຸນແຮງທີ່ນອງເລືອດທີ່ສຸດເກີດຂຶ້ນຢູ່ເທດສະບານເມືອງ Taji, ຫ່າງຈາກນະຄອນຫຼວງ Baghdad 25 ກມ ໄປທາງທິດເໜືອ, ເຊິ່ງລວມມີການວາງລະເບີດສະຫຼະຊີບ ແລະ ບາງເຫດວາງລະເບີດຕ້າຍນແຄມທາງເຊິ່ງເຮັດໃຫ້ 18 ຄົນເສຍຊີວິດ ແລະ 29 ຄົນຖືກບາດເຈັບ.