(vovworld) - ວັນທີ 11/12, ຢູ່ ອິນໂດເນເຊຍ ທ່ານຮອງລັດຖະມົນຕີກະຊວງປ້ອງກັນປະເທດ, ຜູ້ບັນຊາການທະຫານເຮືອ ຫວຽດນາມ, ພົນເຮືອເອກ ຫງວຽນວັນຫ໋ຽນ ມີການພົບປະກັບຜູ້ບັນຊາການທະຫານເຮືອ ອິນໂດເນເຊຍ, ທ່ານພົນເຮືອເອກ Marsetio. ການພົບປະຖືກດຳເນີນໄປເນື່ອງໃນໂອກາດທ່ານພົນເຮືອເອກ ຫງວຽນວັນຫ໋ຽນ ເຂົ້າຮ່ວມກອງປະຊຸມຫົວເລື່ອງສະເພາະກ່ຽວກັບຄວາມໝັ້ນຄົງໃນການເດີນທະເລສາກົນ Jakarta 2013.
ກ່າວຄຳເຫັນທີ່ການພົບປະ, ພົນເຮືອເອກ ຫງວຽນວັນຫ໋ຽນ ຕີລາຄາສູງບົດບາດຂອງ ອິນໂດເນເຊຍ ໃນອາຊຽນ, ພາກພື້ນ ແລະ ຢູ່ໃນໂລກ, ພ້ອມທັງຊີ້ແຈ້ງວ່າ: ທະຫານເຮືອ 2 ປະເທດແບ່ງປັນຫຼາຍທັດສະນະລວມ ແລະ ພ້ອມກັນປາດຖະໜາຢາກເພີ່ມທະວີ, ເປີດກ້ວາງ ແລະ ເຮັດໃຫ້ການພົວພັນຮ່ວມມືອັນດີງາມລະຫວ່າງທະຫານເຮືອ 2 ປະເທດໃນຂົງເຂດ 2 ຝ່າຍກໍ່ຄືບັນດາກົນໄກ ADMM ແລະ ADMM+ ເລິກເຊິ່ງກ່ວາອີກ.
ພົນເຮືອເອກ ຫງວຽນວັນຫ໋ຽນ ກໍ່ສະເໜີບາງຂໍ້ລິເລີ່ມຮ່ວມມືຄື: ເພີ່ມທະວີການແລກປ່ຽນບັນດາການຢ້ຽມຢາມຢູ່ທຸກໆຂັ້ນ, ໃຫ້ກຳປັ່ນທະຫານເຮືອດຳເນີນການຢ້ຽມຢາມເຊິ່ງກັນ ແລະ ກັນ, ແລກປ່ຽນບົດຮຽນ ແລະ ການຮ່ວມມືລະຫວ່າງວິທະຍາສາດທະຫານເຮືອ 2 ປະເທດ.