ການພົບປະລະຫວ່າງທ່ານ ປະທານາທິບໍດີ ອາເມລິກາ Donald Trump
ແລະ ທ່ານນາຍົກລັດຖະມົນຕີ ຍີ່ປຸ່ນ Shinzo Abe ເມື່ອເດືອນ 11/2016
ພາບ:Reuters
|
(vovworld)- ລັດຖະບານ ສອງປະເທດ ຍີ່ປຸ່ນ ແລະ ອາເມລິກາ ພວມກະກຽມຈັດຕັ້ງການພົບປະຂັ້ນສຸດຍອດລະຫວ່າງທ່ານນາຍົກລັດຖະມົນຕີ ຍີ່ປຸ່ນ Shinzo Abe ແລະ ປະທານາທິບໍດີ ອາເມລິກາ Donald Trump ຢູ່ ວໍຊິງຕັນ ໃນວັນທີ 10/2 ຈະມາເຖິງ. ຕາມແຫລ່ງຂ່າວທາງການທູດຈາກຍີ່ປຸ່ນ ໃນວັນທີ 25/1, ຄາດວ່າ ໃນການເຈລະຈາຄັ້ງນີ້ ການນຳສອງທ່ານ ຈະປຶກສາຫາລືບັນດາບັນຫາການຄ້າ ພາຍຫລັງປະທານາທິບໍດີ Donald Trump ເຊັນລັດຖະດຳລັດເມື່ອວັນທີ 23/1 ກ່ຽວກັບເລື່ອງ ອາເມລິກາ ຖອນອອກຈາກສັນຍາການຄ້າຂ້າມປາຊີຟີກ ຢ່າງເປັນທາງການ. ໃນວັນດຽວກັນ, ກ່າວຄຳເຫັນທີ່ສະພາຕ່ຳ ຍີ່ປຸ່ນ, ທ່ານ Abe ໃຫ້ຮູ້ວ່າ ລັດຖະບານປະເທດນີ້ ພວມປະຕິບັດບັນດາຂອດກະກຽມສຸດທ້າຍໃຫ້ແກ່ການເຈລະຈາ ຊື່ງທ່ານຢາກຈັດຕັ້ງຍິ່ງໄວກໍ່ຍິ່ງດີ.