(ພາບ:viet.rfi.fr)
( vovworld ) – ວັນທີ 29/8, ບັນດາເຈົ້າໜ້າທີ່ຍີ່ປຸ່ນ ແລະ ສປປເກົາຫຼີ ໄດ້ດຳເນີນການເຈລະຈາເປັນຄັ້ງທຳອິດໃນຮອບ 4 ປີຜ່ານມາເພື່ອປຶກສາຫາລືບັນຫາສົ່ງອັດຖິຂອງຊາວຍິ່ປຸ່ນ ທີ່ຖືກເສຍຊີວິດຢູ່ ສປປ ເກົາຫຼີ ໃນສົງຄາມໂລກຄັ້ງທີ 2 ກັບຄືນບ້ານເກີດເມືອງນອນ. ການພົບປະຄັ້ງນີ້ກໍ່ແມ່ນການພົບປະທາງການຄັ້ງທຳອິດຂອງເຈົ້າໜ້າທີ່ສອງປະເທດນັບແຕ່ເມື່ອທ່ານ Kim Chang Ul ຮັບຕຳແໜ່ງເປັນການນຳ ສປປ ເກົາຫຼີ ເມື່ອເດືອນ 12/2011 ທີ່ຜ່ານມາ ແລະ ພັກປະຊາທິປະໄຕຍີ່ປຸ່ນ (DPJ) ຂຶ້ນກຳອຳນາດຢູ່ຍີ່ປຸ່ນ. ຄະນະຜູ້ແທນຍີ່ປຸ່ນ ໂດຍທ່ານ Keiichi Ono ຫົວໜ້າຫ້ອງການອາຊີຕາເວັນອອກສ່ຽງເໜືອ-ກະຊວງການຕ່າງປະເທດຍີ່ປຸ່ນ ນຳໜ້າ, ຕາມຄຳຮຽກຮ້ອງຂອງຝ່າຍສປປ ເກົາຫຼີ ໄດ້ດຳເນີນການເຈລະຈາພຽງແຕ່ໃນຂັ້ນນັກວິຊາການເທົ່ານັ້ນ, ໃນຂະນະທີ່ຝ່າຍຍີ່ປຸ່ນ ພັດຢາກດຳເນີນການເຈລະຈາຢູ່ຂັ້ນສູງກ່ວາ. ຄາດວ່າ, ການເຈລະຈາຄັ້ງນີ້ຈະແກ່ຍາວໃນເວລາ 2 ວັນ ແລະ ດຳເນີນໄປຢູ່ສະຖານທູດຂອງສອງປະເທດປະຈຳປັກກີງ. ກ່າວຄຳເຫັນທີ່ການປະຊຸມຂ່າວເມື່ອວັນທີ 28/8, ທ່ານ Osamu Fujimura ຫົວໜ້າຫ້ອງວ່າການລັດຖະບານຍີ່ປຸ່ນ ໃຫ້ຮູ້ວ່າ: ຍີ່ປຸ່ນ ເຂົ້າຮ່ວມການເຈລະຈາດ້ວຍທັນສະນະທີ່ວ່າ, ບັນຫາລອບຈັບຕົວ ແມ່ນສ່ວນໜື່ງໃນບັນດາບັນຫາທີ່ຍັງຄົງຄ້າງລະຫວ່າງຍີ່ປຸ່ນ ແລະ ສປປເກົາຫຼີ.