(ພາບປະກອບ)
(vovworld)- ຕອນຄ່ຳວັນທີ 8/9 ຢູ່ຮ່າໂນ້ຍ, ສູນກາງຄະນະຊາວໜຸ່ມກອມມູນິດໂຮ່ຈິມິນ ສົມທົບກັບຄະນະຊາວໜຸ່ມນະຄອນຫຼວງຮ່າໂນ້ຍ ໄດ້ຈັດພິທີສະຫລຸບ, ຍ້ອງຍໍຊົມເຊີຍ, ມອບລາງວັນໃຫ້ 38 ໝູ່ຄະນະ ແລະ 135 ສ່ວນບຸກຄົນໃນບັ້ນເຄື່ອນໄຫວຊາວໜຸ່ມອາສາສະໝັກປີ 2013. ກ່າວຄຳເຫັນທີ່ພິທີ, ທ່ານຫງວຽນດັກວິງ, ເລຂາທິໜຶ່ງ ສູນກາງຄະນະຊາວໜຸ່ມກອມມູນິດໂຮ່ຈິມິນ, ປະທານສະມາຄົມນັກສຶກສາຫວຽດນາມ ຢືນຢັນວ່າ: ໃນບັ້ນເຄື່ອນໄຫວຊາວໜຸ່ມອາສາສະໝັກປີ 2013 ມີຫຼາຍເນື້ອໃນອຸດົມສົມບູນ, ມີຫົວຄິດປະດິດສ້າງ, ປະກອບສ່ວນຢ່າງຕັ້ງໜ້າເພື່ອແກ້ໄຂບັນດາບັນຫາພວມເກີດຂຶ້ນໃນວົງຄະນາຍາດໃຫ້ເປັນຢ່າງດີ:
“ບັ້ນເຄື່ອນໄຫວຊາວໜຸ່ມອາສາສະໝັກປີນີ້ໄດ້ອັດລົງແລ້ວ ແຕ່ບັນດາການເຄື່ອນໄຫວອາສາສະໝັກຍັງຈະສືບຕໍ່ຜັນຂະຫຍາຍປະຕິບັດໃນບັນດາການເຄື່ອນໄຫວ ອາສາສະໝັກໃນໄລຍະຈະມາເຖິງ. ຄະນະເລຂາສູນກາງຄະນະຊາວໜຸ່ມ ສະເໜີໃຫ້ຄະນະຊາວໜຸ່ມຂັ້ນຕ່າງໆຕ້ອງຫັນວິທີການ ແລະ ກົນໄກປະຕິບັດຂະບວນການຊາວໜຸ່ມອາສາສະໝັກເປັນຫຼາຍຮູບຫຼາຍແບບ, ເພື່ອນຳຂະບວນການຊາວໜຸ່ມອາສາສະໝັກກ້າວເຂົ້າສູ່ໄລຍະພັດທະນາໃໝ່ ພາຍຫຼັງໄດ້ຮັບການຜັນຂະຫຍາຍຢ່າງເລິກເຊິ່ງກ້ວາງຂວາງໃນທົ່ວປະເທດມາເປັນເວລາ 20 ປີ, ປະກອບສ່ວນປະຕິບັດປີອາສາສະໝັກ 2014 ສຳເລັດຜົນ“.