(vovworld) - ຍາມໃດນະຄອນໂຮ່ຈິມິນກໍ່ສ້າງທຸກເງື່ອນໄຂສະດວກໃຫ້ບັນດານັກລົງທຶນຕ່າງປະເທດ. ນີ້ແມ່ນຄຳຢືນຢັນຂອງທ່ານເລຂາຄະນະພັກນະຄອນໂຮ່ຈິມິນ ດິງລາທັງ ທີ່ການຕ້ອນຮັບທ່ານ Kim Hack Yong, ສະມາຊິກລັດຖະສະພາ, ປະທານສະມາຄົມສະມາຊິກລັດຖະສະພາມິດຕະພາບສ.ເກົາຫຼີ - ຫວຽດນາມ ໃນຕອນບ່າຍວັນທີ 25/04. ທີ່ການຕ້ອນຮັບ, ທ່ານ ດິງລາທັງ ໄດ້ແບ່ງປັນວ່າ, ໃນຊຸມປີຜ່ານມາ, ດ້ວຍຜົນສຳເລັດໃນການເຄື່ອນໄຫວດຳເນີນທຸລະກິດຢູ່ນະຄອນ, ບັນດານັກລົງທຶນສ.ເກົາຫຼີ ໄດ້ມີການປະກອບຢ່າງແນ່ນອນໃຫ້ແກ່ການພັດທະນາຂອງນະຄອນ. ພ້ອມກັນນັ້ນ, ສ.ເກົາຫຼີ ແລະ ນະຄອນໂຮ່ຈິມິນ ກໍມີຄວາມສາມາດບົ່ມຊ້ອນຮ່ວມມືຫຼາຍຢ່າງໃນຂົງເຂດຕ່າງໆເຊິ່ງຕ້ອງໄດ້ຮັບການຂຸດຄົ້ນຢ່າງແຮງກວ່າອີກໃນໄລຍະຈະມາເຖິງ. ທ່ານ ດິງລາທັງ ເຊື່ອໝັ້ນວ່າ, ດ້ວຍຖານະຕຳແໜ່ງຂອງຕົນ, ທ່ານ Kim Hack Yong ຈະສືບຕໍ່ຕັ້ງໜ້າປະກອບສ່ວນເພື່ອແນໃສ່ຍົກສູງລະດັບການພົວພັນລະຫວ່າງ 2 ປະເທດເວົ້າລວມ ແລະ ນະຄອນໂຮ່ຈິມິນ ກັບ ສ.ເກົາຫຼີ ເວົ້າສະເພາະ.
ສ່ວນທ່ານ Kim Hack Yong, ກໍ່ສະແດງຄວາມຫວັງວ່າ, ການນຳນະຄອນໂຮ່ຈິມິນ ຈະສືບຕໍ່ສ້າງເງື່ອນໄຂສະດວກກວ່າອີກ ໃຫ້ບັນດາວິສາຫະກິດ ແລະ ປະຊາຄົມຊາວສ.ເກົາຫຼີ ທີ່ພວມດຳລົງຊີວິດ ແລະ ເຮັດວຽກຢູ່ທີ່ນີ້.