ການເຄື່ອນໄຫວຂອງທ່ານນາຍົກລັດຖະມົນຕີ
ຫງວຽນເຕິນຢຸງ ຢູ່ອິນເດຍ
(ພາບ: tgvn.com.vn)
(vovworld) - ຕອນຄຳ່ວັນທີ 21/12, ທ່ານນາຍົກລັດຖະມົນຕີ ຫງວຽນເຕິນຢຸງ ພ້ອມດ້ວຍຄະນະຜູ້ແທນຂັ້ນສູງຫວຽດນາມ ໄດ້ກັບເມືອຮອດຮ່າໂນ້ຍ, ສິ້ນສຸດການເຂົ້າຮ່ວມກອງປະຊຸມຂັ້ນສູງ ສະເຫຼີມສະຫຼອງ 20 ປີ ແຫ່ງການພົວພັນຄູ່ເຈລະຈາ ອາຊຽນ - ອິນເດຍ ເຊິ່ງຈັດຂຶ້ນຢູ່ນະຄອນຫຼວງ ນິວເດລີ, ປະເທດອິນເດຍ ຢ່າງຈົບງາມ. ຂີດໝາຍສຳຄັນທີ່ສຸດທີ່ກອງປະຊຸມຄັ້ງນີ້ ແມ່ນຖະແຫຼງການຍົກລະດັບການພົວພັນອາຊຽນ - ອິນເດຍ ຈາກຄູ່ເຈລະຈາ ຂຶ້ນເປັນຄູ່ຮ່ວມມືຍຸດທະສາດ. ທ່ານລັດຖະມົນຕີຊ່ວຍການຊວງການຕ່າງປະເທດຫວຽດນາມ ຟ້າມກວາງວິງ, ໃຫ້ຮູ້ວ່າ:
”ອາຊຽນ - ອິນເດຍ ໄດ້ສຳເລັດການເຈລະຈາ ສັນຍາ 2 ສະບັບຄື: ສັນຍາການຄ້າການບໍລິການ ແລະ ສັນຍາລົງທຶນ, ສິ່ງດັ່ງກ່າວຈະສ້າງພື້ນຖານ ເພື່ອກາຍເປັນເຂດການຄ້າເສລີຢ່າງຮອບດ້ານລະຫວ່າງອາຊຽນ ແລະ ອິນເດຍໂດຍໄວ. ທັງສອງຝ່າຍຈະເພີ່ມທະວີເງື່ອນໄຂຕ່າງໆເພື່ອຊຸກຍູ້ການເຄື່ອນໄຫວທາງດ້ານເສດຖະກິດ, ການຄ້າ ແລະ ການທ່ອງທ່ຽວ, ກ່ອນອື່ນໝົດແມ່ນສຸມແຫຼ່ງກຳລັງເພື່ອເພີ່ມທະວີການເຊື່ອມຈອດ ອາຊຽນ - ອິນເດຍ ຜ່ານການຍູ້ແຮງບັນດາໂຄງການເຊື່ອມຈອດອິນເດຍ - ແມ່ຂອງ…”
ກ່ຽວກັບການພົວພັນລະຫວ່າງຫວຽດນາມ - ອິນເດຍ, ສອງປະເທດກໍ່ຕັດສິນໃຈຊຸກຍູ້ການຮ່ວມມືໃນ 5 ເສົາຄ້ຳຕົ້ນຕໍ່. ທັງສອງປະເທດກໍ່ຈະສືບຕໍ່ຮ່ວມມືຢ່າງມີປະສິດທິຜົນຢູ່ບັນດາເວທີປາໄສພາກພື້ນ ແລະ ສາກົນ.