(ພາບ:thanhtrahatinh.gov.vn)
(vovworld)- ກອງປະຊຸມໂດຍກົງທາງເຄືອຂ່າຍອິນເຕີເນັດ ສະຫລຸບວຽກງານໃນ 6 ເດືອນຕົ້ນປີ ແລະ ວາງອອກທິດທາງ, ໜ້າທີ່ປະຕິບັດງານໃນ 6 ເດືອນທ້າຍປີ 2013 ຂອງຂະແໜງກວດກາຂອງລັດໄດ້ດຳເນີນໄປໃນຕອນເຊົ້າວັນທີ 16/7 ຢູ່ຮ່າໂນ້ຍ ໂດຍມີການເຂົ້າຮ່ວມຂອງຜູ້ຕາງໜ້າ 63 ແຂວງ ນະຄອນໃນທົ່ວປະເທດ. ທີ່ກອງປະຊຸມ, ບັນດາຜູ້ແທນໄດ້ຕີລາຄາວ່າ: ເບິ່ງລວມແລ້ວ, ວຽກງານກວດກາໃນ 6 ເດືອນຕົ້ນປີສືບຕໍ່ໄດ້ຮັບຄວາມເອົາໃຈໃສ່, ສ້າງບັນດາການຫັນປ່ຽນ. ພິເສດ, ວຽກງານກວດກາ, ຕ້ອນຮັບ ປຊຊ, ແກ້ໄຂໃບຮ້ອງຂໍ, ຮ້ອງທຸກ, ກ່າວຟ້ອງ ແລະ ການປ້ອງກັນ, ຕ້ານການສໍ້ລາດບັງຫຼວງບັນລຸໄດ້ບັນດາໝາກຜົນທີ່ຕັ້ງໜ້າ. ໃນ 6 ເດືອນທ້າຍປີ, ຂະແໜງກວດກາຂອງລັດສືບຕໍ່ເພີ່ມທະວີການເຄື່ອນໄຫວກວດກາສະເພາະ. ທ່ານເລຕຽນຮ່າວ, ຮອງຫົວໜ້າອົງການກວດກາລັດຖະບານ ເນັ້ນໜັກວ່າ:
”ໃນ 6 ເດືອນທ້າຍປີ, ຕ້ອງສືບຕໍ່ເພີ່ມທະວີການເຄື່ອນໄຫວກວດກາ ຕິດພັນກັບແຜນການກວດກາກະທັນຫັນເມື່ອມີສັນຍານລະເມີດ. ເພີ່ມທະວີການຊີ້ນຳ, ກວດກາ, ຕິດຕາມກວດກາສຳລັບການເຄື່ອນໄຫວຂອງບັນດາຄະນະກວດກາ, ຮັບປະກັນໃຫ້ການກວດກາມີຄຸນນະພາບ, ມີປະສິດທິຜົນ, ຖືກຕ້ອງຕາມລະດັບຄວາມໄວ. ສຸມໃສ່ແກ້ໄຂບັນດາເຫດການສັບສົນ, ແກ່ຍາວ. ຈັດຕັ້ງຂະບວນການແຂ່ງຂັນເພື່ອແນໃສ່ປະຕິບັດໜ້າທີ່ການເມືອງປີ 2013 ຢ່າງມີໄຊ”.