ທ່ານ Dinh The Huynh ເຮັດວຽກຢູ່ແຂວງ Quang Ninh
ທ່ານ Dinh The Huynh ເຮັດວຽກຢູ່ແຂວງ Quang Ninh
(ພາບ:tintuc.xalo.vn)
( vovworld ) – ຕອນບ່າຍວັນທີ 30/3, ຢູ່ນະຄອນ Ha Long, ທ່ານ Dinh The Huynh ຫົວນ້າຄະນະໂຄສະນາສຶກສາສູນກາງ ໄດ້ເຮັດວຽກກັບຄະນະປະຈຳອົງຄະນະພັກແຂວງ Quang Ninh ກ່ຽວກັບບັນດາເນື້ອໃນຄື: ການຜັນຂະຫຍາຍມະຕິສູນກາງພັກຄັ້ງທີ 4 ຊຸດທີ 11; ການປະຕິບັດຄຳສັ່ງຂອງກົມການເມືອງກ່ຽວກັບ “ການສືບຕໍ່ຍູ້ແຮງການຮ່ຳຮຽນ ແລະ ປະຕິບັດຕາມແບບຢ່າງຄຸນສົມບັດປະທານໂຮ່ຈິມິນ“; ໃຫ້ຄຳເຫັນຊີ້ນຳກ່ຽວກັບການສ້າງແຜນຮ່າງ “ພັດທະນາເສດຖະກິດ-ສັງຄົມຢ່າງໄວວາ ແລະ ໝັ້ນຄົງ ແລະ ຮັບປະກັນການປ້ອງກັນຊາດ ປ້ອງກັນຄວາມສະຫງົບ“ ຂອງຄະນະປະຈຳພັກແຂວງ Quang Ninh ຊື່ງຈະຍື່ນສະເໜີຕໍ່ກົມການເມືອງໃນໄຕມາດທີ 2 ປີ 2012. ທ່ານ Dinh The Huynh ສະເໜີໃຫ້ຄະນະປະຈຳ ແລະ ຄະນະບໍລິຫານງານຄະນະພັກແຂວງ Quang Ninh ຄວນຊີ້ນຳຊາບຊືມເນື້ອໃນມະຕິຢ່າງເຂັ້ມງວດ ແລະ ໂຄສະນາໃນໝູ່ປະຊາຊົນຢ່າງເລິກເຊີ່ງກ້ວາງຂວາງ; ຜ່ານນັ້ນເຮັດໃຫ້ພະນັກງານ, ສະມາຊິກພັກມີການຫັນປ່ຽນຢ່າງຈະແຈ້ງດ້ານສະຕິຄວາມຮັບຮູ້ ແລະ ການກະທຳ, ກໍຄືສ້າງຄວາມເຫັນດີເຫັນພ້ອມ, ການສະໜັບສະໜູນຂອງປະຊາຊົນ. ເລື່ອງຈັດຕັ້ງຊາບຊືມມະຕິສູງການພັກຄັ້ງທີ 4 ຕ້ອງຕິດພັນກັບບັ້ນຂົນຂວາຍ “ຮ່ຳຮຽນ ແລະ ປະຕິບັດຕາມແບບຢ່າງຄຸນສົມບັດປະທານໂຮ່ຈິມິນ“ ຢ່າງແທດຈິງ, ພ້ອມກັນນັ້ນ, Quang Ninh ຄວນສືບຕໍ່ປະກອບຄຳເຫັນກັບສູນກາງກ່ຽວກັບ 3 ບັນຫາຮີບດ່ວນກ່ຽວກັບການກໍ່ສ້າງພັກປະຈຸບັນ ຊື່ງມະຕິສູນກາງພັກໄດ້ເຕື້ອງເຖິງ, ປະກອບສ່ວນປົກປັກຮັກສາຄວາມສາມັກຄີ ເອກະພາບໃນພັກ ແລະ ສ້າງຄວາມເຫັນດີເຫັນພ້ອມໃນໝູ່ປະຊາຊົນ; ຖືວ່ານັ້ນແມ່ນປັດໃຈເພື່ອສ້າງຄວາມມີສະຖຽນລະພາບ, ພັດທະນາເສດຖະກິດ-ສັງຄົມຂອງແຂວງ Quang Ninh ເວົ້າສະເພາະ ແລະ ປະເທດຫວຽດນາມ ເວົ້າລວມ.