ທ່ານນາຍົກລັດຖະມົນຕີຕ້ອນຮັບບັນດາເອກອັກຄະລັດຖະທູດ,
ຫົວໜ້າກົງສູນຫວຽດນາມຢູ່ຕ່າງປະເທດ Ảnh: VGP/Nhật Bắc
(vovwold) - ຕອນບ່າຍວັນທີ 23/4, ຢູ່ຮ່າໂນ້ຍ, ທ່ານນາຍົກລັດຖະມົນຕີ Nguyen Tan Dung ໄດ້ໃຫ້ການຕ້ອນຮັບເອກອັກຄະລັດຖະທູດວິສາມັນຜູ້ມີອຳນາດເຕັມ ແລະ ຫົວໜ້າກົງສູນຫວຽດນາມຢູ່ຕ່າງປະເທດ (ອາຍຸການ 2012-2015) 25 ທ່ານ ກ່ອນທີ່ຈະເດີນທາງໄປຮັບໜ້າໜ້າທີ່. ທ່ານນາຍົກລັດຖະມົນຕີ Nguyen Tan Dung ສະເໜີໃຫ້ບັນດາທ່ານເອກອັກຄະລັດຖະທູດ ແລະ ຫົວໜ້າກົງສູນຫວຽດນາມຢູ່ຕ່າງປະເທດ ປະຕິບັດແຜນນະໂຍບາຍ, ແນວທາງການຕ່າງປະເທດຂອງປະເທດຊາດ, ປະກອບສ່ວນສ້າງສະພາບແວດລ້ອມແຫ່ງສັນຕິພາບ, ສະຖຽນລະພາບ, ສະແຫວງຫາທຸກແຫຼ່ງກຳລັງໃຫ້ແກ່ກິດຈະການສ້າງສາ ແລະ ປົກປັກຮັກສາປະເທດຊາດ. ພ້ອມທັງ, ເຮັດໃຫ້ເພື່ອນມິດສາກົນມີຄວາມເຂົ້າໃຈແຈ້ງແນວທາງການຕ່າງປະເທດຂອງຫວຽດນາມ, ນັ້ນແມ່ນແນວທາງການຕ່າງປະເທດເອກະລາດ, ເປັນເຈົ້າຕົນເອງ, ຕ່າງຝ່າຍຕ່າງມີຜົນປະໂຫຍດ, ພ້ອມແລ້ວທີ່ຈະເປັນເພື່ອນມິດ, ເປັນຄູ່ຮ່ວມມືທີ່ໜ້າໄວ້ເນື້ອເຊື່ອໃຈຂອງທຸກໆປະເທດ, ເພື່ອຈຸດໝາຍສັນຕິພາບ, ຮ່ວມມື, ພັດທະນາ, ສ້າງຄວາມໄວ້ເນື້ອເຊື່ອໃຈ, ຄວາມເຂົ້າອົກເຂົ້າໃຈເຊິ່ງກັນ ແລະ ກັນລະຫວ່າງຫວຽດນາມກັບປະເທດຕ່າງໆຢູ່ໃນໂລກ.